Friday , May 24 2024

AFP & PNP generals initusan: Opisyal ng 2 water concessionaires ‘patayin’ — Duterte

“UBUSIN ang mga opisyal ng Manila Water at Maynilad.”

Ito ang pabirong utos ni Pangulong Rodrigo Duterte kay ARMED Forces of the Philippines (AFP) chief of staff General Noel Clement.

“Gusto ko silang makausap. Hindi ito maaareglo kung hindi ko makausap ang nagawa nitong kontratang ito. Tatawagan ko si Clement, ‘Padala ka rito M16, dalawa. Pag alis ko riyan, put*ng i*a, patayin mo lahat diyan. Huwag ka mag-iwan ng buhay,” sabi ni Duterte sa kanyang talumpati sa mass oathtaking ng mga bagong heneral ng pulisya’t militar sa

Palasyo kahapon.

Nais din ng Pangulo na makausap ang mga abogado ng gobyerno sa likod ng “onerous” concession agreements na nilagdaan noong 1997.

“Gusto ko harap ang abogado ng gobyerno na put*ng in*ng gumawa ng kontrata na ito… They were selling this country down the drain,” ani Duterte.

Kaugnay nito, binati­kos ni Pangulong Duterte si Sen. Franklin Drilon dahil binantaan sila laban sa pagrepaso ng mga kontrata ng Manila Water at Maynilad.

Kinuwestiyon ng Pangulo ang naging papel ni Drilon sa pagbalangkas ng mga kuwestiyonableng water contracts.

“You know Senador Drilon, magkaibigan man tayo at malaki ang respeto ko sa ‘yo. But this time sabihin ko sa ‘yo, how dare you telling me not to make any move or even to masilip, to take a peek at the… because we will be losing money. How dare you? Kasama ka ba rito?” aniya.

“Tapos tinext n’ya si (Senator) Bong (Go). Doon ako nagduda. ‘Bong, sabihin mo kay Rody… (Hindi ako kasama) riyan. No’ng luma­bas ang kontarta na ‘yan wala na ako sa ACCRA’,” sabi ng Pa­ngu­lo.

Matatandaan inutu­san ng Permanent Court of Arbitration sa Singa­pore ang gobyerno ng Filipinas na bayaran ang Ayala-owned Manila Water ng P7.39 bilyon na nawala sa kompanya dahil hindi naipatupad ang water rate hikes.

(ROSE NOVENARIO)

About Rose Novenario

Check Also

Alice Guo Chiz Escudero

Presumption nananatili – SP Chiz Escudero 
NAG-AKUSA vs MAYOR GUO DAPAT MAGLABAS NG PRUWEBANG HINDI SIYA PINOY

HINDI si Bamban, Tarlac Mayor Alice Guo kundi ang mga nag-aakusa sa kanya ang dapat …

Ops vs krimen umarangkada 24 suspek timbog sa Bulacan

Ops vs krimen umarangkada 24 suspek timbog sa Bulacan

NASAKOTE ang 24 inidbiduwal na sangkot sa iba’t ibang krimen at paglabag sa batas sa …

Sa Orion, Bataan BATAKAN BINAKLAS, 4 DURUGISTA TIKLO

Sa Orion, Bataan
BATAKAN BINAKLAS, 4 DURUGISTA TIKLO

WINASAK ng mga tauhan ng Philippine Drug Enforcement Agency (PDEA) Bataan Police Office (BPO) sa …

2 Most wanted persons ng CALABARZON arestado

2 Most wanted persons ng CALABARZON arestado

NASAKOTE ang dalawang lalaking nakatala bilang Regional Level Most Wanted Persons sa magkahiwalay na manhunt …

Jeannie Sandoval Malabon DBP

Para palakasin ang pabahay, kalusugan, infra projects at socio-economic dev’t
MAYOR JEANNIE SANDOVAL NAKIPAG-UGNAYAN SA DBP

UPANG mapabuti ang paghahatid ng mga serbisyo sa mga Malabueño, nakipagtulungan ang pamahalaang lungsod ng …

Leave a Reply

Your email address will not be published. Required fields are marked *