Monday , August 15 2022

Walang contingency plan… Duterte galit sa kapalpakan ng PHISGOC (Tsibog sa SEA Games ikinairita ng Palasyo)

GALIT si Pangulong Rodrigo Duterte sa sablay na organizers ng 30th Southeast Asian Games (SEAG).

Ito ang nabatid kay Presidential Spokesman Salvador Panelo kahapon.

Ang Philippine South­east Asian Games Organizing committee (Phisgoc), isang founda­tion na pinamumunuan ni Speaker Alan Peter Caye­tano, ang organizer ng SEA Games na idinaraos sa bansa.

Ayon kay Panelo, galit at desmayado ang Pangulo sa mga kapal­pakang nagaganap sa SEA Games.

Para aniya sa pangu­lo, dapat ay ginawan agad ng paraan ng organizer ang mga aberya upang hindi ito naging dahilan ng mga alingas­ngas.

Ani Panelo, dapat ay may fallback ang mga organizer lalo sa pag­sundo sa mga atleta para hindi maghintay nang ilang oras sa airport.

Bagaman hindi aniya maiiwasan ang mga gani­tong sablay, puwede naman aniya itong maa­gapan, kung sa simula pa lamang ay mayroon nang con­tingency measures.

Aniya, hindi dapat hinahayaan ng organizer na masira ang imahen ng bansa dahil lamang sa mga ganitong uri ng sablay, lalo’t hindi la­mang mga Filipino ang nakamasid dito kundi ang buong mundo.

ni ROSE NOVENARIO

TSIBOG
SA SEA GAMES
IKINAIRITA
NG PALASYO

NAIRITA ang Palasyo sa inihaing pagkain sa mga atleta sa 30th Southeast Asian Games na idinaraos sa bansa.

Kinalampag ni Pre­sidential Spokesman Sal­va­dor Panelo ang Philip­pine Southeast Asian Games Organizing Com­mittee (PHISGOC), orga­nizer ng SEA Games,  hing­gil sa klase ng pag­trato sa mga dayuhang atleta at kanilang dele­gasyon.

Sinabi ni Panelo, hindi niya maintindihan kung bakit tila tinitipid ang pag­kain ng mga manlala­ro.

Iginiit ni Panelo na pantawid gutom lamang ang kikiam at nilagang itlog na inihain sa mga dayuhang atleta.

“Hindi ko nga mala­man e. Kinakain lang ‘yun kapag medyo wala ka nang makain,” sabi niya.

Ayon kay Panelo, ang ganitong uri ng pagkain ay hindi angkop sa kaila­ngang nutrisyon ng mga atleta.

Dahil dito, pinag­sabi­han ni Panelo ang PHISGOC na ‘wag na­mang matulog sa pansi­tan dahil karangalan at imahen ng bansa ang nakataya rito sa mata ng buong mundo.

(ROSE NOVENARIO)

About Rose Novenario

Check Also

DANIEL FERNANDO Bulacan

Bulacan, kaisa sa paghubog ng mga lider para sa susunod henerasyon

BILANG PAKIKIBAHAGI sa bansa sa obserbasyon ng Linggo ng Kabataan 2022, nagsagawa ang pamahalaang panlalawigan …

arrest posas

Kumagat sa pain
TULAK TUWING MADALING ARAW TIMBOG SA PARAK

NASAKOTE ng mga awtoridad ang isang pinaniniwalaang tulak ng ilegal na droga sa ikinasang buy …

prison rape

Lolong manyakis naihoyo sa Zambales

NASUKOL ng mga awtoridad ang isang matandang lalaking may kasong panggagahasa sa inilatag na manhunt …

Dalagita nasagip sa cybersex den 3 suspek arestado

NAILIGTAS ng mga awtoridad ang isang babaeng menor de edad mula sa isang cybersex den …

Road Expressway

Para sa mas mabilis na biyahe
CAVITEX C5 LINK FLYOVER EXTENSION BINUKSAN NA 

INIANUNSYO ng Toll Regulatory Board (TRB) ang grantor ng Manila-Cavite Toll Expressway Project (MCTEP) kasama …

Leave a Reply