Monday , August 15 2022

Disiplina ng titser sa estudyante dapat magulang ay katuwang

NAGING maingay nitong nakaraang linggo  ang ginawang pamamahiya at tila paghatol ni Raffy Tulfo sa isang guro na tanggalan ng lisensiya sa pagtuturo na inireklamo ng isang lola sa kanyang programa dahil dinisiplina ang kanyang apo.

Una, nakalulungkot na nagawa pang pumunta sa programa ni Raffy Tulfo ng lola gayong nag-usap na pala sila sa principal’s office.

Bumuhos ang suporta ng netizens kay Titser Melita Limjuco dahil talagang ang nangyari sa kanya  ay tahasang pagyapak sa kanyang karapatan na protektado dapat ng Magna Carta for Teachers.

‘Yun bang tipong ikinahon si Titser sa mga pagpipilian na magretiro na lang sa trabaho kaysa masampahan ng kasong kriminal.

Mantakin n’yo naman, 24 na taon na sa serbisyo si Titser tapos biglang sisibakin nang walang due process?!

Wattafak!

Sa bahagi naman ni Raffy Tulfo, para naman siyang binuhusan ng malamig na tubig dahil sa tagal na rin ng kanyang programa at ‘pagtulong’ sa mga sumbungerong nagsusumbong, aba mukhang nalagay  siya sa alanganin.

Bigla tuloy natin naalala noong panahon na wala pang sumbungan ang mamamayan.

Isa rin akong makulit na estudyante, katuna­yan  sa sobrang kulit ko, hindi ako pinaakyat sa entablado ng titser, kahit ako ay honor student.

Pero hindi naman iyon lumatay sa isip ko para magtanim ng galit, bagkus ay ginawa kong aral sa buhay.

Talagang iba ang pagdidisiplina noong araw lalo sa Catholic schools pero ang mga magulang noon ay nagpapasalamat sa mga titser  kapag nadidisiplina ang mga anak nila. Hindi gaya ngayon na parang aping-api ang mga anak nila. At parang laging susugod sa giyera.

Hindi pa tapos ang laban ni Titser Melita, pero marami ang naniniwala na  siya ay protektado ng Civil Service Law at Magna Carta for Teachers.

Sa bahagi naman ng programa ni Raffy Tulfo, pakiusap lang po huwag na nating gamitin ang damdamin o emosyon ng mga taong lumalapit sa inyo.

Aba, more than 323,000 dislikes na ang natatanggap ng YouTube channel ng mga Tulfo sa partikular na video ng reklamo laban kay Titser Melita.

Pero alam naman natin na kumita pa rin ‘yung YouTube channel ng mga Tulfo lalo na kung pinanood ang video.

Hangad natin na matapos ang asuntong ito nang mapayapa at maayos at hindi dapat mawala si Titser Melita sa teaching force ng Maynila.

Palagay natin ‘e hindi papayag si Yorme Isko nang ganyan.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply