Thursday , May 26 2022

‘Tubong-lugaw cops’ sa kontrabandong puslit sinibak sa NBP

MULING nalagay sa kon­trobersiya ang pamunuan ng Philippine National Police (PNP) makaraang masangkot ang 16 pulis na nagbabantay sa New Bilibid Prison (NBP) sa Muntinlupa City dahil sa pagpupuslit ng ilegal na kontrabando para ibenta sa mga bilanggo kapalit ng ganansiyang ‘tubong-lugaw.’

Kaugnay nito, agad inalis sa puwesto ang mga nahuling pulis na na­ka­talaga sa pambansang piitan ng bagong itina­lagang si P/BGen. Debold Sinas, hepe ng National Regional Police Office (NCRPO) at inilipat sa NCRPO Regional Holding and Accounting sa Bicutan, Taguig City.

Hindi muna ibinun­yag ni Sinas ang mga pangalan ng pulis habang sumasailalim sa imbes­tigasyon.

Ang nasabing mga pulis ay nakatalaga sa NCRPO sa Regional Mobile Force Company at ilan lamang sa puwersang ipinadala sa NBP upang maging bantay para lini­sin ang matagal nang nagaganap na ilegal na aktibidad tulad ng pa­nga­ngalakal ng droga sa piitan.

Ngunit sa kalaunan, sila naman ang naging pasi­muno ng pagbe­bebenta ng sin com­mo­dities gaya ng sigarilyo at alak na pinagtutubuan nila nang malaki sa puhunang kakarampot.

Nabatid na ang mga pulis na sinasabing nahu­lihan ng alak, gadgets at sigarilyo o tobacco leaves sa NBP ay iniimbes­tiga­han ngayon ng Regional Investigation and Detective Management Division (RIDMD).

Nabatid sa isang source sa NBP, ang isang kaha ng sigarilyo depende sa brand ay naibebenta sa parokyanong big time na preso mula sa halagang P500, habang ang mumu­rahing alak naman ay naibebenta ng P1,000 pataas ang halaga.

Bagamat mahigpit itong ipinagbabawal sa piitan, naeenganyo ang ilang tiwaling awtoridad maging prison guard dahil sa kaunting puhu­nan ay malaki ang kinikita nila na tila tubong-lugaw sa ipinupuslit sa kon­trabando sa piitan.

 (MANNY ALCALA)

About Manny Alcala

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …

Leave a Reply