Thursday , May 23 2024

Krisis sa ‘mass transportation’ hindi pa ramdam ng Palasyo

NANINIWALA ang Palasyo na wala pang umiiral na krisis sa mass transport sa Metro Manila dahil nakararating pa sa kanilang destinasyon ang mga pasahero.

“Mukha namang wala pa. Wala. Kasi nga nakakarating pa naman ‘yung mga dapat makarating sa kanilang paroroonan,” tugon ni Presidential Spokesman Salvador Panelo sa pahayag ng Bagong Alyansang Makabayan (Bayan) na nakararanas ng mass transport crisis sa Metro Manila

Ayon sa Bayan, ngayon lang nangyari na ang tatlong rail systems sa Metro Manila ay nagkaroon ng aberya sa loob lamang ng isang linggo.

Panawagan ni Panelo sa mga pasahero, umalis nang maaga upang makarating sa oras sa kanilang paroroonan.

“May solusyon naman do’n ‘e. If you want to go, arrive early to your destination then you go there earlier,” ani Panelo.

“Ano bang ibig sabihin nila sa transportation crisis? Ang nakikita ko lang ‘yung traffic. May transportation naman a. Nakasasakay naman tayong lahat,” aniya.

Para kay Panelo, “big improvement” pa ngang maituturing na isang beses na  lang nagkakaaberya sa rail system na dati’y araw-araw na kaganapan.

“O ‘di ba and’yan pa naman ‘yung tatlong LRT [Light Rail Transit] ba ‘yun? Nabasa ko ‘yung paliwanag nila dati daw halos araw-araw nagbo-bog down, ngayon daw once a week na lang. So malaki raw ang improvement. Kung araw-araw naging once a week, e ‘di ang laki nga ng improvement,” sabi ni Panelo,

Sa kabila nito’y aminado si Panelo na kailangang maayos ang sitwasyon at hindi ito dapat maging kalbaryo sa mahabang panahon.

“Kailangan magkaroon ng improvement. ‘Di naman pupuwedeng forever tayong ganito,” pahayag ni Panelo. (ROSE NOVENARIO)

About Rose Novenario

Check Also

052224 Hataw Frontpage

Sa ELYU  
PILOTO, PASAHERO SUGATAN SA BUMAGSAK NA CESSNA PLANE

ni Niño Aclan BUENAS na maituturing dahil minor injury lang ang napala ng dalawang sakay …

Cavinti PNP

Sa Buy-bust Operation ng Cavinti PNP
2 Street Level Individual (SLI) arestado, baril at iligal na droga kumpiskado

Camp BGen Paciano Rizal – Arestado ang dalawang street level individual (SLI) sa ikinasang drug …

Bulacan Police PNP

2 durugistang nasa watchlist, 8 lumabag sa batas nasakote

HUMANTONG sa pagkakaaresto ng dalawang durugistang tulak kabilang ang walong pasaway sa batas ang patuloy …

Cyberlibel vs health advocate doctor inihain ng Bell-Kenz Pharma sa NBI

Cyberlibel vs health advocate doctor inihain ng Bell-Kenz Pharma sa NBI

SINAMPAHAN ng kasong cyberlibel si public health advocate doctor Anthony Leachon kaugnay ng anila’y akusasyon …

Chiz Escudero Migz Zubirri

Escudero aminadong pasimuno ng kudeta laban kay Migz Zubiri

INAMIN ng bagong halal na Senate President na si Senador Francis Joseph “Chiz” Escudero na …

Leave a Reply

Your email address will not be published. Required fields are marked *