Wednesday , July 6 2022

Suspensiyon ni PAO chief Persida Acosta hiniling sa Ombudsman

NALUNGKOT ang inyong lingkod sa kinahinatnan ng ‘tapat at giting’ na ipinakita nina Public Attorney’s Office (PA) chief, Atty. Persida Acosta at ang kanyang forensics chief na si Erwin Erfe sa pagbubunyag ng anila’y iregularidad sa likod ng Dengvaxia.

Isang grupo ng mga abogado na nasa tanggapan ng PAO ang naghain ng reklamo at hiniling na isailalim sa suspensiyon ang kanilang hepe dahil sa irregular na paggamit ng pondo.

Sa liham ng mga abogadong hindi nagpakilala, inaakusahan nila sina Acosta at Erfe na may ‘siyentipikong sabwatan’ sa disbursement ng budget ng pondo ng PAO.

Bukod umano sa pagbubuo ng PAO Forensic Laboratory nang walang pahintulot sa Kongreso, ginamit din umano nina Acosta at Erfe ang pondo para sa pagpapagawa ng t-shirt, tarpaulin at iba pang kailangan nila sa kampanya laban sa Dengvaxia.

Bago ito, magugunitang inakusahan ng isang Wilfredo Garrido Jr., ng graft practices si Acosta.

Ayon kay Garrido, sina Acosta at Erfe, ay inakusahan din niyang may falsification of public documents, malversation of public funds, illegal use of public funds or property, ganoon din ng grave misconduct, serious dishonesty, grave abuse of authority at conduct prejudicial to the best interest of public service.

Inakusahan din si Acosta na naglagay ng mga loyal staffers niya sa finance service.

Arayku! Mabigat na akusasyon ‘yan.

Pero siyempre, mahirap pa rin munang magtiwala sa mga nag-aakusa lalo na’t hindi nila inilalantad ang kanilang mga mukha at pangalan.

Dahil sa mga akusasyong ‘yan mukhang kailangan mag-leave muna si Atty. Acosta nang sa gayon ay mapaghandaan niya ang kanyang laban.

Kaya nga ngayong nagbago na naman ang panahon, palagay natin ay may pangangai­langan na laging handa si Atty. Acosta lalo’t muli siyang haharap sa Ombudsman.

Pansamantala, iminumungkahi nating unahan na niya ng pagle-leave ang planong pagpapasibak sa kanya.

Sa totoo lang, mga abogado naman sila pareho at alam nila kung paano sila magbabak­bakan nang ‘maginoo.’

Good luck, Madam Persida!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply