NANG ipatigil ang dengvaxia vaccine walang naging alternatibo ang pamahalaan kung ano ang kanilang ipapalit.
Hanggang ngayon, kahit maraming magagaling na Pinoy ang gumagawa ng mga pag-aaral tungkol sa dengue, wala tayong nababalitaan na espisipikong gamot o makatutulong sa pasyenteng tinamaan ng dengue.
Ngayong nagkaroon ng epidemya ng dengue, bumalik na naman sa ‘entablado ng dakdakan’ ang mga dating sangkot sa isyu ng dengvaxia.
Sa totoo lang, wala naman makikinig sa kanila kasi hindi naman nila naipaliwanag nang husto sa tao kung ano nga ang dengvaxia.
In short, wala na silang kredebilidad.
Kapag may nagtatanong kung ligtas ba ito, hindi sila makasagot nang deretsong oo, kasi nga ang mga taga-DOH mismo ay mukhang hindi sigurado.
Marami tuloy ang nag-iisip na mukhang sinadya ang epidemya para lubusang yakapin ng mamamayan ang dengvaxia kaysa mamatay sa dengue.
Ganoon nga ba?
‘Yan ay dahil wala ngang paliwanag kung ligtas ba talaga o hindi.
Kung hindi ligtas ano ang kapalit o alternatibo?!
Aba, Secretary Duque, hindi lang press conference ang trabaho mo bilang kalihim ng DOH.
Umaksiyon ka!
[divider]
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
[divider]
BULABUGIN
ni Jerry Yap
