Friday , January 28 2022

Tough times ahead para sa Kongreso… Tatlong “K” pairalin sa pagpili ng speaker

PAGSUBOK na pet-malu ang tiyak na haharapin ng 18th Congress sa pagbubukas ng sesyon sa 22 Hulyo.

Ngayon pa lang, nakaumang na ang patong-patong na mga pagsubok na haharapin ng mga kongresista sa kanilang paglilingkod sa bayan.

Una na rito ang pagtitiyak na hindi na mauulit ang pangho-hostage sa national budget dahil P1 bilyon araw-araw ang nawala sa gobyerno nang mangyari ang bangungot na ito noong 2018.

Halos 1% ang nawala sa ating Gross Domestic Product (GDP) at gumapang ang mga proyekto sa ilalim ng Build, Build, Build program.

Nariyan din ang mga panukalang pagbabago ng Saligang Batas o Cha-Cha dahil walang kinahantungan ang federalismo na isinulong noong nakaraang kongreso.

At higit sa lahat, mahaharap sa matinding hamon ang panguluhan sa gitna ng bantang impeachment complaint na niluluto ng Makabayan Bloc ng mga kongresista bunsod ng mga usapin matapos banggain ng isang Chinese vessel ang bangka ng mga mangingisdang Pinoy sa Recto reef.

Marami pang ibang usapin ang kahaharapin ng administrasyong Duterte at ng mga mambabatas sa susunod na tatlong taon.

Kaya naman ang ating panawagan sa mga kongresista huwag magpadalos-dalos sa pagpili ng magiging lider.

Dapat pag-isipang mabuti at suriin ang ‘tatlong K’ sa pagpili ng Speaker of the House.

Ang kakayahan, karanasan at kompetensiya ng bawat kandidato. Pag-aralan ang track record ng bawat aspirante at doon dapat ibatay kung sino ang iboboto.

Karanasan na hindi lamang umiikot sa lehislatura kundi maging sa ehekutibo at panla­bas na ugnayan ng bansa.

At higit sa lahat, ang track record ng mga kandidato kung gaano nila sinuportahan ang Pangulong Duterte at ang nga programa niya sa bayan mula noon, ngayon at sa darating pang mga araw.

‘Yung kayang ipaglaban at ipagtanggol ang mga adhikain ng administrasyon para sa katu­paran nito upang mapakinabangan ng taong-bayan.

Isang lider lang ng kongreso ang nararapat — ‘yung may taglay na kakayahan, karanasan at kompetensiya ang makakaharap sa mga pagsubok na ito sa tulong ng mga mambabatas.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply