Wednesday , July 6 2022

Security of Tenure (SOT) Bill tinuligsa ng labor group

TAHASANG sinabi ng labor group na Bukluran ng Manggagawang Pilipino (BMP) na peke ang Security of Tenure (SOT) Bill at hindi naman nagbibigay ng seguridad sa trabaho sa manggagagawa ang nasabing batas.

Iginiit ng BMP, halos lahat ng labor groups sa bansa ay may kritisismo sa SOT Bill at panahon na upang likhain ang pinakamalawak na pagkakaisa ng mga manggagawa para ipaglaban ang repormang totoong pupuksa sa salot na kontraktuwalisasyon.

Ang umano’y palsipikadong SOT Bill na pumasa sa dalawang kamara matapos sang-ayunan ng mga kongresista ang Senate Bill 1826 (End Endo bill), ay mas konsesyon sa mga kapitalista kaysa reporma para sa mga mangga­gawa.

“Hindi na ito kinontra ng mga kapitalista (sa katauhan ng mga mambabatas na nasa kanilang bulsa). Sapagkat nakuha naman ng kapital ang kanilang ninanais — ang gawing legal o kilalanin bilang “legitimate contracting” ang pagkokontrata sa mga trabahong “non core” sa operasyon ng mga prinsipal na employer.

Nanaig dito ang kanilang paghahangad ng mura at maamong manggagawa, na hindi nila direktang empleyado kundi magiging regular na trabahador ng kanilang mga service provider,” ani BMP chairperson Leody de Guzman.

Kabilang sa mga kritisismo ng BMP ang mga sumusunod; inalis ang kapangyarihan ng DOLE Secretary na ipagbawal ang contracting kung ito ay nakakasama sa karapatan at kagalingan ng manggagawa; pinanatili nito ang trilateral work arrangements; ininstitusyonalisa ang pagkontrata sa trabahong “non core” kahit ito ay “usually necessary or desirable;” at nagbabalatkayo sa pangalang “security of tenure” ngunit, dahil hindi binuwag ang mga trilateral arrangement, ay nagpapanatili sa salot na kontraktuwalisasyon.

Nabatid na nakatakdang ilatag ang naturang bill sa mesa ng Pangulong Duterte para sa paglalagda.

Gayonman nanawagan ang BMP sa mga manggagawa na ipaglaban ang pagbasura sa pekeng SOT Bill, pagtuunan ang pagbibigay ng pressure sa Malacañang at patuloy na igiit ang executive order para sa prohibisyon ng pagkokontrata ng trabaho.

“At kapag pinirmahan na ni Duterte ang batas na kunwari’y sa seguridad sa trabaho, organisahin ang mga manggagawa sa trabahong “non-core.” Sigurado tayong walang pagbabago sa kanilang katayuan gaya ngayong sila ay kontraktuwal na mga empleyado ng kani-kaniyang agency. Palagiang may banta ng pagtatanggal tulad ng nangyari sa Asia Brewery/Waterich na tinapos ng principal employer ang kanilang kontrata ng contractor bilang tugon sa pag-oorganisa ng mga kontraktuwal na isang union,” dugtong ni De Guzman.

Paliwanag ng BMP leader, natiti­yak din aniyang mas mura ang kanilang pasu­weldo sa direct-hire na nasa  sa “core” na trabaho ng mga prinsipal na employer (kahit maging regular sila sa kani-kanilang mga agency).

“Kongkretong mga laban ng mga manggagawang non core ang pinakaepektibong paraan ng paglalantad sa hungkag na batas. Ang mga labang ito ang maglalatag ng mga batayan para sa isang mas malakas at nagkakaisang kilusang paggawa na maghahapag ng mga repormang totoong magtataguyod at magtatanggol sa ating konstitusyonal na karapatan para sa seguridad sa trabaho,” ayon pa sa BMP.

About hataw tabloid

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …

Ramon Zagala PSG Bongbong Marcos BBM

Non-PMAyer, DLSU PolSci graduate
UNANG PSG COMMANDER ITINALAGA NI MARCOS, JR

HINDI graduate ng Philippine Military Academy (PMA), sa halip ay sa De La Salle University …

Leave a Reply