Monday , July 4 2022

‘Pabayang’ Comelec execs kinasuhan sa Ombudsman

SINAMPAHAN ng ka­song administratibo ng Mata Sa Balota Movement at ng ilang non-govern­ment organizations (NGOs) ang mga ‘non impeachable’ officials ng Commission on Election (Comelec) sa Office of the Ombudsman  bunsod sa hindi pagpapatupad ng pinakamahalagang baha­gi ng Automated Election System (AES) law na nagdulot ng kali­wa’t kanang ulat ng ka­pal­pakan ng mga makina at proseso sa katatapos na 13 May0 2019 mid-term national at local elections.

Kinasuhan si Comelec Executive Director Jose Marundan Tolentino ng Serious Dishonesty ha­bang gross neglect of duty naman sina Deputy Director Teopisto Elnas Jr., at Comelec Spokes­person James Arthur B. Jimenez.

Kasama rin sa kaso ang buong Smartmatic Information Management at operators nito.

Hindi rin pinaligtas ng grupo si dating Comelec Chairman Juan Andres Donato Bautista dahil sa kawalan  ng intensiyong ipatupad ang mga nakasaad sa Sali­gang Batas na Omnibus Election Code.

Ayon kay Dr. Mike Aragon, spokesperson ng Mata sa Balota Move­ment, sa pagbubukas ng bagong kapulungan ng Kongreso sa Hulyo ay sasampahan din ng Impeachment Complaint ang mga Komisyoner ng ahensiya  sa talamak na paglabag sa napaka­halagang probisyon ng Omnibus Election Code at Automated Election System (AES).

Nananawagan si Aragon kay Pangulong Rodrigo Duterte na pag­tuunan ang mga iregu­laridad sa proseso ng katatapos na halalan at paglabag sa batas ng Comelec Commissioners lalo na’t nalalapit na ang presidential election.

Naniniwala si Aragon, sa puso at intensiyon ng Pangulo na isang patrio­riko na tanging hangarin ay para sa kabutihan ng bansa at sambayanan.

(AD)

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply