Tuesday , June 25 2024

Sue, puring-puri ang K-Pop Idol na si Shinwoo

ANG bait-bait ni Shinwoo.” Ito ang tinuran ni Sue Ramirez ukol sa K-Pop idol at miyembro ng Blanc 7 boy band na leading man ng Kapamilya actress sa pelikulang Sunshine Family ng Spring Films at Korean Studio Film Line Pictures Production.

Kinunan ang kabuuan ng pelikula sa South, Korea na pinagbibidahan din ng celebrity couple na sina Nonie at Shamaine Buencamino kasama ang Kapamilya child star na si Marco Masa.

Masayang-masaya si Sue sa naging experience niya sa Sunshine Family at sa pagiging leading lady ng K-Pop idol. Hindi nga niya inaasahang magkakasundo sila agad bagamat magkaiba sila ng kultura at lengguwahe.

“In-expect ko talaga na mahihirapan ako kasi una sa lahat language barrier. Malaking factor kasi ‘yun with ‘yung workplace, kung paano kayo mag-communicate with each other. Siyempre iba ‘yung culture, iba ‘yung way of living talaga kompara sa Pilipinas at sa mga Koreano. Pero sobrang naging smooth lang,” ani Sue.

Kuwento pa ni Sue, nagpapaturo si Shinwoo ng Tagalog sa kanya. ”Tinuturuan din namin siya ng kung ano-anong kalokohan kaya it was a very fun experience and we got to sing together. Mayroon po kaming ini-record na kanta in Korea na magiging parte ng pelikula so it was a great experience.”

Ibinahagi rin ni Sue ang ilang natutuhan niya sa Korean entertainment industry. ”Pinakabagong experience ko o knowledge na natutuhan ko is working with Koreans talaga. Kung paano sila sa set na sobrang tahimik nila magtrabaho, na kapag work, work talaga, at on time sila  lagi.”

Ang Sunshine Family ay ukol sa pamilyang Filipino na anumang hirap na pinagdaraanan, nakangiti pa rin. Kasi nga, Filipinos are known to be happy people.

“Laging nakangiti, very hospitable na kahit walang makain ipakakain pa rin sa bisita ‘yung pagkain so iyon ‘yung representation of a Filipino family that was represented beautifully in this movie,”paliwanag ni Sue.

Ibinase ang Sunshine Family sa 1991 Japanese movie na Hit And Run Family na isang drama-comedy. Gaganap sina Shamaine at Nonie bilang mag-asawang sina Sonya at Don Mapalad. Sina Sue at Marco ang  mga anak nila. Limang taon na silang naninirahan sa Korea at haharap sa isang matinding pagsubok matapos ma-involve sa hit-and-run accident si Don.

Palabas na sa mga sinehan ang Sunshine Family sa June 5 na idinirehe ni Kim Tai Sik, isang Korean director.

SHOWBIZ KONEK
ni Maricris Valdez Nicasio

 

 

About Maricris Valdez Nicasio

Check Also

Blind Item, Matinee Idol, Mystery Man

Poging BL Star nalaglagan ng poppers at lubricant habang pinagkakaguluhan ng mga faney

ni Ed de Leon IYON namang isang Poging BL Star, nagbakasyon yata sa abroad. Nasalubong siya roon …

Blind Item, Men

Young Male Star madalas sa orgynuman, fave imbitahan sa secret gay parties

ni Ed de Leon NAALALA tuloy namin ang isang tsismis pang narinig namin, iyong si Young …

Ronnie Liang Harry Roque AR dela Serna

Ronnie Liang nadamay lang sa usaping Harry at AR

HINDI naman daw date ang nakita sa video na magkasama sina Ronnie Liang at Harry Roque. Iyon pala …

KDLex KD Estrada Alexa Ilacad

KDLex marami pang proyektong kaabang-abang

HOTTEST Musical Pair ang taguri ngayon kina KD Estrada at Alexa Ilacad o mas kilala sa kanilang tambalang KDLex. Mula …

Kathryn Bernardo Barbie Forteza David Licauco

Barbie sa pagkokompara kay Kathryn—big honor for me, sana makatrabaho ko siya

GRABE pala ang paghanga ni David Licauco kay Kathryn Bernardo. Maging si Barbie Forteza ay wish nitong makatrabaho ang Box-Office …

Leave a Reply

Your email address will not be published. Required fields are marked *