Zamboanga nalambat ng AP-PL (Coco Martin, Ang Probinsyano Party-List sinuportahan ng mga Zamboangueño)
NALAMBAT ng leading congressional candidate na Ang Probinsyano Party-List (AP-PL) ang Zamboanga nang ipagpatuloy nito ang pagsulong ng kapakanan ng mga probinsyano sa naturang lugar.
All out ang naging suporta ng mga Zamboangueño sa AP-PL bitbit ang kakampi nito na si mutli-award winning actor star at director na si Coco Martin sa pagdalaw nila sa iba’t ibang lugar ng Zamboanga kahapon.
Maaga pa lang kahapon, araw ng Linggo ay nagtipon na sa Polanco Elementary School ang mga taga-Polanco para sa isang grand rally na pinangunahan nina Polanco Mayor Boyet Olvis at 1st District Congressman Bullet Jalosjos.
Nagpasalamat ang mga taga-Polanco sa pagdalo ni Coco Martin sa kanilang lugar at nangakong susuportahan nila ang Ang Probinsyano Party-list.
Pagkatapos ng grand rally ay isang motorcade ang isinagawa kung saan nagsiabang ang mga residente ng Zambonanga Del Norte sa mga kalsada para masilayan ang kanilang idolong si Coco Martin.
Pagkatanghali ay nasa municipal plaza na sina Coco Martin para salubungin ang isa pang malaking pagtitipon ng mga taga-Ipil, Zamboanga Sibugay.
Kahit nakabilad pa sa araw ay tuwang-tuwa ang mga taga-Ipil na mapanood sa pagkanta ang idolo nilang si Martin. Bago matapos ang rally ay sinabi nina 2nd District Congresswoman Ann Hofer at Ipil Mayor Inday Amy Olegario na all-out ang suporta nila sa party-list ng Ang Probinsyano.
Sa pagbisita ni Coco Martin sa Zamboanga peninsula sa Brgy. Tumaga, Por Centro sa Zamboanga City ay pinangunahan ni Rep. Celso Lobregat ang isang rally para sa Ang Probinsyano Party-list.
HATAW News Team
