Wednesday , June 19 2024

Tonz Are, pinuri ni Gina Pareño

SUNOD-SUNOD ang pagkilala sa galing ni Tonz Are kaya hindi nakapagtataka na gayon na lamang ang kanyang kasiyahan nang makipagtsikahan ito sa amin kamakailan.

Itinanghal siyang Best Supporting Actor sa katatapos na Singkuwento International Film Festival para sa pelikulang Rendezvous. Bale nakapitong acting award na si Tonz na ginampanan ang karakter ni Balud, isang merman na na-in love sa taga-lupa sa pelikula.

“I’m so blessed sa career ko. Nagpapasalamat ako sa mga director ko na nagtitiwala sa akin, sa Knight Vision family ko, kay direk Marvin Gabas, Mommy Arlene Rivera, direk Carlo Alvarez… blessings sila sa akin and sa pagkapanalo ko sa Singkuwento International Film Festival noong February, sobrang laki po ng aking pasasalamat sa pelikulang ‘Rendezvous,’ ni Direk Marvin,” kuwento ni Tonz.

“Nagpapasalamat din po ako sa bumubuo nito, nanalo ako bilang Supporting Actor at Best Supporting Actress naman ang aking nanay-nanayan sa showbiz na si mommy Gina Pareño na isa rin sa pinakamahusay na actress dito sa Filipinas.”

Bukod dito, matagumpay din ang red carpet premiere ng bago niyang pelikulang Parisukat.

“Nagpapasalamat ako sa sup­port ng aking pamilya, successful ang aming movie na ‘Parisukat’ na idinirehe ni Carlo Alvarez,” ani Tonz na ginanap ang premiere noong March 23 sa Gateway Cineplex.

Dagdag pa ni Tonz, napapanood pa rin siya sa 700 Club Asia sa GMA,  Mondays to Fridays, 12 midnight.

“Sana soon, mapasama rin ako sa mga teleserye ng ABS-CBN o GMA-7. Iyon po kasi talaga ang pangarap ko,” giit pa ni Tonz.

Hindi lang ang ilang award giving body ang nakakapansin sa galing ni Tonz, maging si Pareno ay mangha sa galing niya.

“Sobrang na-touch ako sa papuri ni Mommy Gina, isang karangalan na mapansin ng batikang actress ang aking pag-arte at napakasarap po talagang katrabaho, napaka-professional and down to earth, napaka-cool din pati ng anak niyang nag-aartista na rin, si Ate Racquel, saludo ako sa mag-ina,” ani Tonz.

Ibinahagi rin ni Tonz na matagumpay din ang ginawang screening ng kanilang pelikula sa Mindanao, Midsayap,  Cotabato, Koronadal City, at General Santos. “Almost 12,000 po ang nakapanood ng film namin noong nakaraang March 4 to 18,” anang indie actor.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

blind item woman

Madir ni sikat na singer namigay ng expired na chocolates 

I-FLEXni Jun Nardo PARTE na ng showbiz ang stage mothers and fathers. Medyo nababawasan na …

blind item

Male starlet nagbanta kung walang project goodbye produ na

ni Ed de Leon INAMIN ng isang male starlet na ginawa niya ang lahat ng ipinagawa sa …

Paolo Contis

Paolo walang bumati sa 3 mga anak noong Father’s Day

HATAWANni Ed de Leon ANG tanungan noong isang araw, binati kaya ng kanyang mga anak …

Onemig Bondoc

Onemig kung ‘di nagkamali ng diskarte baka sikat pa rin ngayon

MAYROONG isang mahilig na mag-post ng mga lumang artista sa social media at noong isang …

Kim Chiu Aileen Choi-Go Sisters Napkins

Kim deadma na sa past relationship, blessings dagsa

PUSH NA’YANni Ambet Nabus DAPAT na lang sigurong deadmahin ni Kim Chiu ang mga isyung may kinalaman …

Leave a Reply

Your email address will not be published. Required fields are marked *