Thursday , June 13 2024
Erap Estrada Manila
Erap Estrada Manila

100K Manileñong kidney patients nahandugan ng libreng dialysis

NASA mahigit 100,000 kidney patients na residente ng Maynila ang nahandugan ng libreng dialysis treatment sa Gat Andres Bonifacio Memorial Medical Center (GABMMC) mula pa noong taon 2014 hanggang sa kasalukuyan at patuloy na maglilingkod lalo sa mahihirap.

Ayon kay GABMMC officer in-charge director Dra. Ma. Luisa “Lui” Aquino, nasa 111,200 ang sumailalim sa hemodialysis treatments mula Disyembre 2014 hanggang kasalukuyan na may 854 pasyente ang hinandugan ng “unlimited lifetime treatments” sa kidney patients.

Napagalaman kay Manila Mayor Joseph “Erap” Estrada, nasa 72 dialysis machines ang matatagpuan sa GABMMC upang mabigyan nang libreng serbisyo ang mga maralitang Manileño na may sakit sa bato.

Giit ni Estrada, ang libreng serbisyo na dialysis treatment ay nagsimula noong siya ay Pangulo ng ating bansa.

Ayon kay Estrada, ang gastos sa bawat paggamot sa dialysis ay mahigit sa P2,500 sa government hospitals habang nasa P4,000 sa pribadong pasilidad na napakahirap para sa isang karaniwang pamilya lamang.

Ang kidney disease ay maaaring mapigilan bagama’t ang nasabing sakit ay ika-pitong pangunahing sanhi ng kamatayan sa ating bansa.

Gayonman, sinabi ni Estrada na dahil sa mataas na gastos at hindi maaabot na paggamot, ang ilang mga pasyente ay nama­matay nang hindi sumasailalim sa dialysis.

Si Estrada, tumatakbo para sa kanyang ikatlo at huling termino bilang Alkalde ng lungsod, ay nagsabi na siya ay may tungkulin ngayon na magbigay ng tulong sa mga nangangailangan.

“As mayor of Manila, I am privileged that I am now in a position to help our hospital achieve its most important mission: to assist and attend to the health needs of our people,” ani Estrada.

About hataw tabloid

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *