Thursday , March 28 2024

Lim sa Maynila; Calixto sa Pasay

NGAYONG araw ang simula ng opisyal at naaayon sa batas na pangangampanya para sa mga lokal na kandi­dato sa buong bansa.

Umpisa na ng kam­panya pero bigo ang mga katunggaling kadi­dato nina dating Mayor Alfredo Lim sa Maynila at Rep. Emi Calixto-Rubiano sa Pasay na maiangat ang kanilang sarili sa mga totohanang survey.

Sina Lim at Calixto-Rubiano ay kapwa biktima ng mga ‘black propaganda’ na nagmula sa kampo ng kanilang mga kalaban sa politika.

Pero imbes makasira ay nakatulong pa ang mga paninira na maagang pinakawalan ng mga kalabang kandidato na lalo lamang nagpaangat kina Lim at Calixto-Rubiano sa mga lumabas na resulta ng survey mula pa noong Disyembre 2018 hanggang ngayong Marso 2019.

Tinangka pang linlangin ng mga kalaban nina Lim at Calixto-Rubiano ang publiko, pero agad din nabistong ‘fake’ ang mga inilabas nilang survey sa ilang pahayagan.

Sa isang banda, ang mga kalaban na rin na nagpakalat ng mga paninira laban kina Lim at Calixto-Rubiano ang gumawa ng kanilang ika­sasama.

Ngayong hindi umepekto ang mga black propaganda at nabisto ang mga paninira, paano pang mananalo ang mga kalaban nina Lim at Calixto Rubiano kung ang kanilang mga sasabihin sa kampanya ay hindi na paniniwalaan ng mga botante?

Aray ko po!

 

KANDIDATONG KONSEHAL

SA 5TH DIST RESIGNED  

PERO PUMAPASOK PA RIN

NAGTATAKA ang ilang empleyado kung bakit nakikita pa raw nilang nagsasadya sa kanyang dating opisina ang isang Joey Cabreza sa Manila City Hall.

Si Cabreza, dating OIC ng Civil Registry Office, ay tumatakbo raw na Konsehal sa 5th District ng Maynila sa partido ni ousted president at convicted plunderer Joseph “Erap” Estrada.

Ang hindi ko lang tiyak ay kung ang Cabreza na isinusumbong sa atin at ang ilang ulit nang natalo sa pagtakbong konsehal sa tiket noon ni Amado Bagatsing ay iisa.

Sa pagkakaalam natin, ayon sa batas, ay considered resigned na dapat si Cabreza kasabay ng paghahain ng certificate of candidacy noong October 2018 sa pagtakbong konsehal.

Hindi maiwasan na may magtanong kung bakit lumulutang pa rin si Cabreza sa dating opisina sa City Hall kahit ipinagbabawal na sa batas.

Palusot daw ni Cabreza, tinutulungan lang daw niya ang mga lumalapit na constituent sa pagkuha ng mga dokumento sa City Hall, gaya ng birth certificate; marriage certificate; at death certificate.

Aba’y, bukod sa paglabag sa eleksiyon, hindi ba “usurpation of authority” ang tawag diyan?

Awtomatikong wala na sa serbisyo si Cabreza kasabay ng kanyang paghahain ng COC sa Commission on Elections (Comelec) noong nakaraang taon.

Alam kaya ni Cabreza na kung totoo ang sumbong na nakarating sa atin ay puwede siyang madiskalipika bilang kandidato at tuluyan nang hindi makahawak ng anomang trabaho sa gobyerno?

Toto rin ba ang balita na ang naging puhunan ni Cabreza para mapuwesto ay murahin si Mayor kapag kaharap niya si Erap at mga alipores nito?

Ayon sa sumbong, nang mabigyan daw ng puwesto itong si Cabreza ay akala mo kung sino na ipinatawag ang mga empleyado na napasok sa administrasyon ni Lim.

Ano naman kaya ang nagawang kasalanan ni Lim kay Cabreza para pagmumurahin nang talikuran?

Sakaling may nagawang atraso si Lim kay Cabreza, bakit hindi niya pinuntahan para pagmumurahin nang harapan?

Ang hirap kay Cabreza, wagas kung maka­pag­mura kapag talikuran.

Sino ka bang hindoropot ka?

(Para sa anumang sumbong at reaksiyon, mag-text o tumawag sa 09166240313. Maaring ipadala ang inyong liham sa e-mail address: [email protected])

 

KALAMPAG
ni Percy Lapid

About Percy Lapid

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

One comment

  1. Thank you sir percy lapid , lagi ko pong inaantabayanan ang inyong hataw news

Leave a Reply

Your email address will not be published. Required fields are marked *