Wednesday , February 21 2024

Batang Gilas mapapalaban sa World Cup

NAHULOG sa bigating Group C ang Batang Gilas sa napipintong 2019 FIBA Under-19 World Cup sa Heraklion, Greece.

Ayon sa FIBA groupings draw na ginanap kamakalawa ng gabi, makakalaban ng RP youth team sa Group C ang powerhouse squads na Argentina, Russia at host country na Greece sa torneong magaganap mula 29 Hunyo hanggang 7 Hulyo.

Mapapalaban agad ang Batang Gilas, ranggong ika-30 sa buong mundo, kontra sa 15th ranked na Greece sa 29 Hunyo bago sumabak kontra sa ika-siyam na Argentina sa 30 Hunyo at 19th ranked na Russia sa 2 Hulyo.

Magugunitang noong nakaraang taon ay nakasikwat ng upuan sa U19 World Cup ang Batang Gilas matapos pumang-apat sa 2018 FIBA U18 Asia Champion­ship na ginanap sa Nontha­buri, Thailand sa pa­ngunguna nina twin towers Kai Sotto at AJ Edu.

Kasamang umabante ng Gilas ang kampeon na Australia, runner-up na New Zealand at third placer na China bilang kinatawan ng FIBA Oceania Zone sa 16-team tournament.

Matatandaang noong nakaraang taon din ay pumasok sa FIBA U17 World Cup ang Batang Gilas sa Argentina mata­pos pumang-apat din sa ginanap na FIBA U16 Asia Championship sa China noong 2017.

Inaasahang babande­rahan ulit nina 7’2 Sotto at 6’9 Edu ang koponan kasa­ma ang mga guwardiyang sina Dave Ildefonso at Dalph Panopio.

Misyon ng koponan na malagpasan ang ika-10 puwestong pagtatapos ng huling RP Youth team sa paggabay ni head coach Arturo Valenzona na naglaro sa FIBA U19 World Cup apat na dekada ang nakalilipas.

Sa pangunguna nina PBA legends Chito Loyza­ga, Hector Calma at Yoyoy Villamin, nagpasiklab noong 1979 U19 World Cupa ng Filipinas kontra sa 12 pinakamagagaling na youth teams sa buong mundo.

Kabilang roon ang kampeon na USA na giniyahan ng mga naging NBA legends na sina Sam Perkins, James Worthy at Fat Lever.

ni John Bryan Ulanday

About John Bryan Ulanday

Check Also

NCAA Season 99 Juniors Basketball Tournament

NCAA Juniors Basketball Tournament simula na 

RATED Rni Rommel Gonzales PATULOY ang aksiyon sa NCAA Season 99 dahil umpisa na ang bakbakan sa NCAA …

Christian Mark Daluz Chess

Sa Antonio “Bolok” Memorial Open Rapid Chess Tournament
FM DALUZ WINALIS MGA KATUNGGALI

MARIKINA CITY — Napanatili ni FIDE Master (FM) Christian Mark Daluz ang mainit na simula …

Niño Alcantara Tennis

Naging Number One Doubles Player sa Pilipinas  
NIÑO ALCANTARA UMAKYAT MULA 176 HANGGANG 169 SA ATP RANKINGS

SI NIÑO Alcantara, ang sumisikat na tennis star mula sa Pilipinas, ay patuloy na gumagawa …

Surigao Diamond Knights ACAPI Chess

Surigao Diamond Knights: Ready, excited na maglaro sa ACAPI tourney

MANILA—Sabi ng beteranong woodpusher na si Lennon Hart Salgados na team captain ng Surigao Diamond …

Jethro Dino Cordero Aquino Chess

Nakakakuha ng 1st IM norm at outright FIDE Master title  
INCOMING LA SALLE STUDENT NAKISALO SA IKA-5 PUWESTO SA INDIA CHESS TILT

Panghuling standing: (10 round Swiss System) 8.0 puntos–GM Sayantan Das (India) 7.5 puntos—GM  Diptayan Ghosh(India), …

Leave a Reply

Your email address will not be published. Required fields are marked *