Thursday , March 28 2024

Sepfourteen nakaraos sa “Commissioner’s Cup”

KAPANA-PANABIK ang naganap na 2019 PHILRACOM “Commissioner’s Cup” nitong nagdaang weekend sa karerahan ng San Lazaro matapos na dikit na nagkatalo pagtapat sa linya ang mga kabayong sina Sepfourteen ni John Alvin Guce na outstanding favorite sa laban kontra sa malayong ikaapat na paboritong si Electric Truth ni Mark Angelo Alvarez na ga-ilong lamang na nagkatalo.

Sa alisan ay inasahan na ang bakbakan sa unahan ng mga angking tulin na sina Radio Active ni Kelvin Abobo at Salt And Pepper ni Unoh Hernandez, habang nasa ikatlong puwesto naman ang kay Alvin kasunod si Mark, nasa likuran nila ang mga diremateng sina Mandatum ni Dunoy Raquel Jr. at Pangalusian Island ni Pao Guce. Pagkalagpas sa medya milya (800 meters) ay nauna nang nagpakawala si Alvin kay Mark kung kaya’t dagliang nakalapit si Sepfourteen sa dalawang nauuna, sa puntong iyan ay inihabol na rin sina Electric Truth kasabay sina Pangalusian Island at Mandatum.

Pagsungaw sa huling kurbadahan ay halos nagkalapitan ang magkaka­laban, sabay sugod sa labas sina Sepfourteen habang nasa kanan naman si Electric Truth na sabay dumating sa meta.

Nagkatalo ang dalawa sa pamama­gitan ng isang photo finish na pagtata­pos.

Para sa kompletong datingan mula tersero ay sina Pangalusian Island, Radio Active, Mandatum at Salt And Pepper. Makakatanggap ng koneksiyon ni Sepfourteen na SC Stockfarm Inc. ni Ginoong Jojo Velasquez ng tumata­ginting na halagang P900,000.00 sa pag­ka­panalo at karagdagang P60,000.00 bilang breeder sa nagwaging kalahok. May guaranteed na premyo din para sa pagkasegundo ni Electric Truth na P357,500.00, terserong Pangalusian Island P187,500.00 at kuwartong si Radio Active P75,000.00. Ang lahat ng papremyong naipamahagi ay handog ng Philippine Racing Commission (PHIL­RACOM) sa pangunguna ni butihing Chairman Andrew Sanchez na patuloy na sumusuporta sa industriya ng karera at sa mga karerista.

Ang susunod na malaking pakarera ay ang 2019 “Japan Cup” sa darating ng ikatlo ng Pebrero taong kasalukuyan sa karerahan ng Metro Truf sa Malvar, Batangas. Ang mga nauna nang nominado sa tampok na pakarerang iyan sa  Mavar ay sina Eugene Onegin, Hiway One, Lakan, Lemon Drop Title, Pride Of Laguna, Son Also Rises, Sooner Time at Summer Romance. Sila ay maglalaban sa katamtamang distan­siya na 1,400 meters.

REKTA’s GUIDE (Metro Turf/6:30PM) :

Race-1 : (3) No Matter What, (7) Purging Line, (2) Joy Joy Joy/Polo Queen.

Race-2 : (1) Baisakhi, (8) Gee’s Delight, (9) Light And Shade.

Race-3 : (1) Yes Music, (8) ILoveHenry, (2) Proof It.

Race-4 : (2) Liliput, (4) Marino Ng Tanglaw, (1) Jade’s Treasure.

Race-5 : (2) Felicity/Shadow Jane, (6) AllByMyself, (11) Azarenka.

Race-6 : (7) Señor Lucas, (2) Barrett Browning, (5) Siquijor.

Race-7 : (5) Miss Marshall, (8) Boy Paradise, (6) Tanforan.

Race-8 : (7) Big Boss James, (5) My Way/Change The World, (4) Munting Anghel.

REKTA
ni Fred Magno

About Fred Magno

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *