Sunday , February 25 2024

PacMan, 40, boxing champ pa rin

KALABAW lang ang tumatanda. 

Iyan ang pinatunayan ni Filipino boxing pride Manny “Pacman” Pacquiao matapos tagumpay na madepensahan ang World Boxing Association (WBA) welterweight belt kontra Adrien Broner sa pamamagitan ng kombinsidong unanimous decision (UD) win kahapon sa MGM Grand Arena sa Las Vegas, Nevada.

Dinomina ng 40-anyos na si Pacquiao si Broner sa loob ng 12 rounds, 116-112, 116-112 at 117-111 upang ianunsiyo ang maugong niyang pagbabalik sa harap ng mahigit 13,000 katao sa Las Vegas pagkatapos ng dalawang taon.

Bunsod ng dominanteng panalo kontra sa 29-anyos na si Broner, pinatunayan niyang may asim pa siya sa kanyang ika-70 laban sa makulay na professional boxing career.

Siyang natatanging eight-division world champion sa kasaysayan, umangat ngayon sa 61-7-2 (39KOs) ang baraha ng Senador din ng Filipinas na si Pacquiao.

Ngunit higit sa titulo at sa magandang kartada, nakuha ni Pacquiao ang atensiyon ng karibal na si Mayweather para sa asam na rematch simula nang matalo siya sa tinaguriang “Fight of the Century” noong 2015.

“I’m willing to fight Floyd Mayweather again if he’s willing to comeback to the ring,” ani Pacquiao na inaasaahang kikita ng $10 milyon sa naturang laban sa Las Vegas bukod pa ang mula sa pay-per-view.

Sa kabilang banda, nalaglag sa 33-4 (24KOs) ang kartada ni Broner na kinu­westiyon ang panalo ni Pac­quiao sa post-fight interview sa beteranong boxing reporter na si Jim Gray.

“I beat him, everybody out there knows I beat him,” ani Broner na kumita ng $2.5 milyon bilang challenger ni Pacquiao.,. “I clearly won the last seven rounds.”

ni John Bryan Ulanday

About John Bryan Ulanday

Check Also

FESSAP

FESSAP-APUG 3×3 Philippines didribol sa Marso 15-17

IPINAHAYAG ng One Dream Sportsman, sa pamumuno ni basketball coach Dr. Norman Afable, ang pagdaraos …

NCAA Season 99 Juniors Basketball Tournament

NCAA Juniors Basketball Tournament simula na 

RATED Rni Rommel Gonzales PATULOY ang aksiyon sa NCAA Season 99 dahil umpisa na ang bakbakan sa NCAA …

Christian Mark Daluz Chess

Sa Antonio “Bolok” Memorial Open Rapid Chess Tournament
FM DALUZ WINALIS MGA KATUNGGALI

MARIKINA CITY — Napanatili ni FIDE Master (FM) Christian Mark Daluz ang mainit na simula …

Niño Alcantara Tennis

Naging Number One Doubles Player sa Pilipinas  
NIÑO ALCANTARA UMAKYAT MULA 176 HANGGANG 169 SA ATP RANKINGS

SI NIÑO Alcantara, ang sumisikat na tennis star mula sa Pilipinas, ay patuloy na gumagawa …

Surigao Diamond Knights ACAPI Chess

Surigao Diamond Knights: Ready, excited na maglaro sa ACAPI tourney

MANILA—Sabi ng beteranong woodpusher na si Lennon Hart Salgados na team captain ng Surigao Diamond …

Leave a Reply

Your email address will not be published. Required fields are marked *