Sunday , November 28 2021

P6-M tangkang nakawin sa kompanya, Chinese tiklo

INIREKLAMO sa Pasay City Police ang isang Chinese national na nagtangkang nakawin ang P6,000,000 sa pinagtatraba­huang kompanya sa Pasay City, nitong Miyerkoles ng gabi.

Nagwala sa loob ng Station Investigation Detective and Management Branch ng Pasay Police, ang suspek na si Jiang Jun, 24-anyos, computer encoder ng Altech Innova­tion Business, kaya tulong-tulong ang mga imbestigador sa pag-awat sa kanya.

Nahaharap ang suspek sa kasong paglabag sa Republic Act 8484 o Access Device and Regulation Act of 2002 sa Pasay Prosecutor’s Office matapos maghain ng reklamo ang kinata­wan ng kompanya na si Kong Shen Han, human resource officer.

Ayon sa ulat ni Pasay City Police chief, S/Supt. Noel Flores, nabuko ang pagnanakaw ng suspek sa loob ng Altech Innovation Business na matatag­puan sa Double Dragon, Maca­pagal Avenue sa Pasay City, dakong 5:30 ng hapon.

Walang naga­wa si Jun nang arestohin siya ng guwardiyang si Nemo Aldaba, ng 24/7 Shield Security Agency.

Bago hulihin, gumamit umano ang suspek na si Jun ng WE­CHAT App sa kanyang cell­phone sa tangkang transaksiyon ng P6 milyon sa isang hindi pa kilalang kliyente ng kompanya nang walang pahintulot ng pamu­nuan.

Nabuko ng pamunuan ang umano’y ilegal na aktibidad ng suspek kaya agad siyang ipinahuli sa guwardiya at dinala sa Police Community Precinct (PCP) MOA para sa doku­mentasyon, bandang 9:30 ng gabi.  Ipiniit ang suspek sa deten­tion cell ng Pasay City Police.

(JAJA GARCIA)

About Jaja Garcia

Check Also

Jeffrey Hidalgo Angeli Khang

Jeffrey Hidalgo sumabak na rin sa pagdidirehe ng bold

FACT SHEETni Reggee Bonoan SPEECHLESS kami sa trailer ng bagong erotic drama movie ng Viva …

P251-K bato kompiskado HVT sa Pasig arestado

NASAKOTE ng mga awtoridad ang 33-anyos lalaki, pangsiyam sa high value targets (HVT), sa ikinasang …

Sa Bulacan
24 LAW OFFENDERS DERETSO SA HOYO

ARESTADO ang 24 katao, pawang lumabag sa batas, sa iba’t ibang operasyon na inilatag ng …

Alitangya sumalakay sa Pampanga

NAITALA sa ilang lugar sa lalawigan ng Pampanga ang pananalasa ng rice black bug o …

PCSO STL PNP NBI

Ayuda sa NBI, PNP
P52.2-M PCSO STL SALES INILAAN SA HEALTHCARE

NANAWAGAN ang Philippine Charity Sweepstakes Office (PCSO) sa Philippine National Police (PNP) at National Bureau …

Leave a Reply