Monday , October 25 2021

Thunderbird Resorts sa Rizal may ‘fly-by-night’ casino operations?! (Paging PAGCOR chair Didi Domingo)

ISANG kabulabog natin ang tumawag sa ating pansin sa operasyon ng casino ng Thunderbird sa Rizal.

Sa kanilang website ay bonggang-bongga ang hitsura ng Thunderbird Resorts & Casino. Talaga namang nakahihikayat tingnan lalo na’t ipinang-eenganyo na sila ay nasa paanan ng Sierra Madre.

Pero ang nakatatakot, sabi ng ating kabulabog, ang buong gaming area ng casino ay walang fire sprinkler system.

E hindi pa nga tayo nakaaahon sa kahindik-hindik na naganap sa Resorts World Manila na marami ang namatay nang silaban ng isang desperadong gambler  ang kanyang sarili kaya nadamay ang iba pang biktima.

Heto ngayon, may mababalitaan tayong nakalulusot sa Philippine Amusement and Gaming Corporation (PAGCOR) na isang casino sa isang malayong probinsiya na walang safety measures para sa kanilang clientele?!

Hindi lang kawalan ng fire sprinkler system, wala rin elevator o escalator kaya ang mga client na naka-wheelchair ay binubuhat pa sa hagdan para makapunta sa higher floor.

Ang sabi sa kanilang promotion, “The world-class casino boasts a number of gaming tables and playing machines, offering endless enjoyments to high rollers and casual players. But it’s not only there that guests get an upper hand at pleasure.

Wattafak!?

Paano naging world-class ang isang casino na walang fire sprinkler system at walang elevator o escalator?!

At paano nabigyan ng permiso ng lokal na munisipalidad ng Binangonan kung kulang sa mga rekesitos kaugnay ng kaligtasan ng mga kliyente?!

Pero ang higit sa lahat, paano nakalusot ‘yan sa PAGCOR?! Nag-iinspeksiyon ba talaga ang PAGCOR o umaasa lang sa report na ipinaaabot sa kanila?!

Kailan mapapansin ng mga awtoridad ang sandamakmak na paglabag ng Thunderbird Resorts & Casino sa Rizal, kapag may nangyaring trahedya gaya sa Resorts World Casino?!

Paging, PAGCOR chair, Madam Andrea “Didi” Domingo!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sara Duterte, Bongbong Marcos, SA-BONG, BONG-SA

Sa pagkikita sa Cebu nina Sara at BBM
SA-BONG O BONG-SA INAABANGN PA RIN

BULABUGINni Jerry Yap NEWSMAKER talaga si Davao City Mayor Sara Duterte, at sa palagay natin, …

Isko Moreno TVC

Dumausdos sa survey
‘TVC’ NI YORME DAPAT PALITAN

BULABUGINni Jerry Yap HINDI patok sa masa ang TV ads ni Manila Mayor Francisco “Isko …

Oil Price Hike

Presyo ng langis sumirit energy secretary Al Cusi, anyare?

BULABUGINni Jerry Yap HINDI lang pala kalihim ng enerhiya at political party executive si Secretary …

2022 Elections, Senate

SENATORIAL SLATE NG BAWAT PARTIDO ‘NAMUMUTIKTIK’ NA POLITICAL BUTTERFLY

BULABUGINni Jerry Yap MUKHANG walang buong line-up ang bawat partido politikal na sasabak sa eleksiyon …

No Contact Apprehension Program, NCAP, Quezon City, QC, Traffic

Sa mga driver: Kung may disiplina, walang multa sa NCAP

BULABUGINni Jerry Yap INILUNSAD kamakailan ng butihing Quezon City Mayor Joy Belmonte ang “No Contact …

Leave a Reply