Wednesday , February 21 2024

Babala ni Duterte: Sundalo at pulis ‘wag kumiling sa kandidato

MAHIGPIT ang bilin ni Pangulong Rodrigo Du­ter­te sa mga sundalo at pulis na huwag kumiling sinoman sa mga kan­di­dato para sa eleksiyon sa 2019.

Sinabi  ito ng pangulo sa kaniyang pagdalo sa pamamahagi ng inisyal na 500 housing units para sa mga sundalo at pulis sa San Miguel, Bulacan ka­ha­­pon.

Ayon sa pangulo, ini­endoso man niyang kandi­dato o hindi, hindi dapat mangampanya ang sino­mang pulis o sundalo para sa mga tatakbo sa eleksiyon.

Binalaan din ng pa­ngu­­lo ang mga sundalo at pulis kasama na ang mga kandidato at kanilang kampo, na huwag na hu­wag manakot ng mga botante.

Kapag may nabali­taan aniya siyang guma­wa nito, siya mismo ang makikipagtuos sa mga pulis, sundalo o kandi­datong nanakot sa mga botante, at siya ang mis­mong aaresto sa kanila.

Ayon sa pangulo, da­pat hayaan ang mga bo­tan­te na pumili kung sino ang gusto nilang iboto.

Samantala, iniutos ng Pangulo sa AFP at PNP na hanggang dalawang security escort lamang ang puwedeng mag-tan­dem at puwedeng umes­kort sa sinomang kan­didatong nanganga­ila­ngan nito.

Kapag sumobra aniya sa dalawa ang security, puwede nang arestohin at kompiskahan ng mga armas dahil ipinag­baba­wal ito ng batas, sapagkat lalabas na itong private armed group na.

Para sa mga kandi­dato na nangangamba  sa kanilang buhay kaya maraming mga security escort, huwag na lamang  aniya silang tumakbo kung takot silang mama­tay. Giit ng pangulo, hindi uubra na magkaroon ng sangkaterbang security escort dahil maituturing  itong private armed group, na malinaw na paglabag sa batas.

(ROSE NOVENARIO)

About Rose Novenario

Check Also

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

DENR Sec. Yulo-Loyzaga aprub sa SM-Gunn waste-to-energy partnership

PINURI kamakailan ni Department of Environment and Natural Resources (DENR) Secretary Toni Yulo-Loyzaga ang SM …

Leave a Reply

Your email address will not be published. Required fields are marked *