Saturday , May 18 2024
Bulabugin ni Jerry Yap
Bulabugin ni Jerry Yap

LTFRB bubusisiin ni Sen. Grace Poe (Sa sandamakmak na iregularidad)

HAYAN na napansin na ng senado ang hindi matapos- tapos na gulo at bangayan sa Land Transportation and Franchising Regulatory Board (LTFRB).

Kaya bago mag-Pasko, uusok ang puwet ng mga opisyal ng LTFRB dahil nagpatawag na ng inquiry ang Senate committee on public services ngayong linggo.

Ang nasabing committee, ay pinamumunuan ni Senator Grace Poe.

Isa umano sa bubusiin ang sinasabing ‘misconduct’ nina LTFRB chair­man Martin Delgra at ng tatlo pa niyang opisyal sa pag-aaproba ng fare hike sa ilang rehiyon sa bansa.

Kung hindi tayo nagkakamali mismong si dating LTFRB board member Aileen Lizada ang naghain ng administrative charges (insubordination and grave misconduct) laban sa chief of staff at dalawa pang opisyal ni LTFRB chief, Atty. Martin Delgra.

Nitong nakaraang linggo, si Lizada ay itinalaga na bilang member of the board ng Civil Service Commission (CSC).

Pero hindi papipigil si Senator Grace, tuloy ang inquiry.

Kabilang din sa bubusisiin ng committee ni Senator Grace ang “truck holiday” na ginawa ng truckers bilang protesta sa utos ng Department of Transportation (DOTr) na i-phase-out ang haulers na sira na at halos 15-anyos na.

Aabot umano sa 200,000 trucks ang posi­bleng maapektohan ng nasabing phase-out plan.

Isasalang din ang sinabing panghihimasok ng DOTr sa pagpili ng provincial bus companies na puwedeng makapasok sa Metro Manila imbes hanggang Parañaque Integrated Terminal Exchange (PITX) sa Coastal Road.

Mukhang maraming mabubuyangyang na Pandora’s box sa LTFRB at DOTr bago mag-Pasko…

Arayku!

By the way, Madam Senator, isama na rin ninyo sa bubusisiin ang opisyal ng LTFRB na sobrang manyakol.

Marami nang nabiktima ang opisyal na ‘yan, karamihan ay staff sa kanilang tanggapan. Walang magawa ang mga babaeng nabibik­tima.

Malinaw na sexual harassment ‘yan.

Umpisahan na po ninyo Madam Senator Grace Poe at baka lumipad na ‘yang mga ipi­natatawag ninyo at magbakasyon grande sa ibang bansa.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sipat Mat Vicencio

Tiyak na sibak si Sen. Bato sa eleksiyon

SIPATni Mat Vicencio NAGKAKAMALI si Sen. Ronald “Bato” dela Rosa kung inaakalang manananalo pa siya …

YANIG ni Bong Ramos

Total ban sa sigarilyo, vape atbp nakapipinsalang produkto iminungkahi

YANIGni Bong Ramos IMINUNGKAHI kamakailan ng magkapatid na Senador Pia Cayetano at Senador Alan Peter …

Dragon Lady Amor Virata

Korek na korek Senador Bong Go

Isumbong mokay DRAGON LADYni Amor Virata KAMAKAILAN sa Senado, tinalakay ni Senator Bong Go ang …

YANIG ni Bong Ramos

Umarangkada na
Mga kandidato para sa 2025 local & national elections maagang sinimulan pang-uuto sa publiko

YANIGni Bong Ramos BAGAMA’T isang taon pa ang nakatakdang local & national elections, maagang sinimulan …

FIRING LINE ni Robert B. Roque, Jr.

Ang paliit nang paliit na mundo ni Quiboloy

FIRING LINEni Robert B. Roque, Jr. HINDI ko alam kung alin-alin sa mga nagiging desisyon …

Leave a Reply

Your email address will not be published. Required fields are marked *