Thursday , December 9 2021

Prankisa ng Mislatel balido at umiiral — Kamara

KINOMPIRMA ng Kamara ng mga Repre­sentante sa liham na ipinadala sa National Telecommunications Commission (NTC) na balido at umiiral ang prankisa ng Mindanao Islamic Telephone Company, Inc. (Mislatel).

Sa liham na ipinadala ni Committee on Legislative Franchises Chairperson Franz “Chicoy” E. Alvarez sa NTC kaugnay ng kahili­ngang gabayan ito kung balido at umiiral ang pran­­kisa ng Mislatel, idiniin niya na walang kautusan ang anomang korte na nagbabalewala sa nasabing prankisa kaya malinaw na balido ito.

“To date, the Committee [on Legislative Franchises] has not received any notice of a judgment from any judicial or quasi-judicial body revoking or cancelling the franchise granted to Mislatel through R.A. 8627. In other words, Mislatel’s franchise remains valid and subsisting,” ayon sa liham ni Alvarez sa NTC kaugnay sa Republic Act No. 8627 o ang “An Act Granting the Mindanao Islamic Telephone Company, Inc. (Mislatel), a Franchise to Con­struct, Establish, Install, Maintain and Operate Wire and/or Wireless Telecom­munications Systems in the Philippines.”

Inilinaw din ni Alvarez na base sa Committee report na ibinigay ng Committee Affairs Office noong 23 Oktubre 1997, inaprobahan ng Kamara ang aplikasyon ng Mislatel sa pamamagitan ng House Bill No. 10073 na naging batas sa R.A. 8627.

Inilinaw rin ni Alvarez na nabigo ang Mislatel na magbigay ng annual report sa Kamara sa loob ng 60 araw tuwing katapusan ng taon pero hindi ito nakaapekto sa pagkabalido ng prankisa nito.

Ang paglilinaw ng Kamara ay nagbigay-daan din upang maalis ang agam-agam ng NTC at ng publiko sa eligibility ng Mislatel na lumahok sa pagpili ng New Major Player (NMP) makaraang igiit ng isang dating opisyal ng gobyerno na ang prankisa ng Mislatel ay awtomatikong nabalewala sa kabiguang hindi makalahok sa stock market noong 2003.

About hataw tabloid

Check Also

DonBelle Donny Pangilinan Belle Mariano

Donbelle hinuhulaang magiging number 1 loveteam sa 2022

MA at PAni Rommel Placente KASAMA ang comedian-director na si John ‘Sweet’ Lapus sa pelikulang Love Is Color …

120821 Hataw Frontpage

Pari gustong ipalit ni Duterte kay Duque

ni Rose Novenario INALOK ni Pangulong Rodrigo Duterte si Dominican priest at molecular biologist Fr. …

Las Piñas Enhanced Kadiwa Inclusive Food Supply Chain Program

Para sa food security
LAS PIÑAS CITY PUMIRMA NG MOA SA DA

NILAGDAAN ng Las Piñas city government at ng Department of Agriculture (DA) ang isang memorandum …

Rida Robes

Pagbabakuna sa mga batang edad 5-11 anyos unahin bago face-to-face classes – Robes

UMAPELA si San Jose Del Monte City Rep. Florida “Rida” P. Robes sa Inter-Agency Task …

Comelec

Ex-CJ sa Comelec
DQS VS BBM RESOLBAHIN

HINIMOK ni retired chief justice Artemio Panganiban ang Commission on Elections (COMELEC) 2nd Division na …

Leave a Reply