JM, na-inlove sa istorya ng Kung Paano Siya Nawala

“Naka-connect ako sa kanya,” sambit ni JM de Guzman kung bakit niya tinanggap ang pelikulang Kung Paano Siya Nawala na palabas na sa kasalukuyan, handog ng TBA Studios at pinagbibidahan nila ni Rhian Ramos.

Sambit pa ng actor, ”First time kong nabasa ‘yung script, gusto ko na talaga siyang gawin. Ang ganda ng story and character.”

Ang Kung Paano Siya Nawala ay ukol sa istorya ni Lio (JM), isang tahimik at ni ayaw makihalubilo sa iba dahil sa  mayroong disorder, ang face blindness. Ito ay isang cognitive disorder na hirap makakilala ng isang tao.

Subalit nabago ito nang ma-inlove kay Shana (Rhian), isang magandang babae na punumpuno ng buhay na mayroon ding itinatagong sikreto sa buhay.

Ani JM, na-challenge siya sa karakter niya sa Kung Paano Siya Nawala. Bukod pa sa gusto rin niyang makatrabaho si Rhian at ang director nilang si Joel Ruiz na isa rin sa mga nagsulat ng nito.

Sambit pa ni JM, marami sa mga nangyari kay Lio ay nata-tap niya sa personal niyang buhay.”Napagdaanan ko rin,” susog ng actor.

Palabas na ang Kung Paano Siya Nawala na nagtatampok din kina Agot Isidro, Barbara Ruaro, atRicky Davao.

SHOWBIZ KONEK
ni Maricris Valdez Nicasio