HATAW! D'yaryo ng Bayan hatawtabloid.com
IKINATUWA at ikinahaba ng hair ni Marian Rivera ang desisyon ni Dingdong Dantes na huwag nang ituloy ang balak na pagtakbo sa 2019 eleksiyon dahil buntis siya.
“Actually, na-touch ako sa asawa ko nang sabihin niya na ang priority niya ay ang pamilya niya, especially na buntis ako.
“Gusto niya na palagi siyang nandiyan every time na kakailanganin ko siya.
“So, na-touch naman ako… between ‘yung gusto niyang mangyari para sa bansa na nandiyan din naman, mas ano niya yung ‘kailangan mo ako, eh.’”
Nag-uusap naman sila ni Dingdong lalo na pagdating sa mga plano nito.
Hiningan din siya ng payo ng mister sa naging desisyon nito.
“Oo naman, nag-uusap naman kami.
“Basta kahit anong gawin ng asawa ko, susuportahan ko siya dahil ganoon ko siya kamahal at ganoon ako naniniwala sa kakayahan niya.”
Si Marian ang unang celebrity endorser ng Reverie home products ng Beautéderm Home na mga produktong pampabango at pampa-good ambiance ng bawat tahanan tulad ng mga kandila na gawa sa pure soybean oil at all natural ingredients kaya guaranteed safe for the whole family.
Pag-aari ito ni Beautéderm CEO/President Rhea Anicoche-Tan.
Samantala marami ang nagsasabing napakagandang buntis ni Marian sa pangalawang anak nila ni Dingdong.
Ayaw i-reveal ni Marian kung ilang buwang buntis na siya.
“Basta… basta 2019 lalabas!”
Dahil may baby Zia na sila ni Dingdong, baby boy ba ang gusto nilang maging ikalawang anak?
“Well, depende.”
Si Zia ang nagre-request na magkaroon ng baby brother.
“Hinihiling ‘yan ng anak ko every night. Pero okay lang kahit babae.”
May kaibahan ba ang pagbubuntis niya ngayon sa una niya?
“Iba-iba naman kasi ang pagbubuntis. Kay Zia, iba ang kinakain ko, iba ang hinahanap ko. Rito, iba rin, eh.
“Well, sabi ko nga, kung may mababago man sa akin ko, okay lang ‘yun.
“Ganoon talaga. That’s the reality.”
Ilang anak ba ang nais nina Marian at Dingdong?
“Ang ideal namin is three, pero kung gawing four, why not, ‘di ba?”
Rated R
ni Rommel Gonzales
