30 pamilya nasunugan sa Maynila
MAHIGIT 30 pamilya ang nawalan ng tirahan nang masunog ang kanilang bahay sa Delpan Street sa Binondo, nitong Martes ng umaga.
Ayon sa Bureau of Fire Protection, pasado 10:00 am nang sumiklab ang sunog sa isang 3-palapag na residential structure sa Brgy. 272.
Agad kumalat ang apoy sa 10 katabing bahay kaya itinaas ang sunog sa ikatlong alarma. Naapula ang apoy bago mag-11:00 ng umaga.
Walang iniulat na nasaktan sa sunog na umabot sa tinatayang P100,000 halaga ng mga ari-arian ang natupok sa insidente.
