Kanta ni John Alejandro para sa Azkals PH Team at AlDub libo-libong views na sa Youtube

PALIBHASA proven sa kaniyang pagiging mahusay na performer, patuloy sa pagiging in-demand ang Pinoy versatile recording artist na si John Alejandro sa regular gigs niya sa iba’t ibang famous bar sa Yokohama, Japan tulad sa Marine Shuttle Cruise (Yamashita Park, Yokohama) kasama ng kanyang Japanese group, at sa Yokohama 7 Live House (Kannai, Yokohama) na madalas ay napupuno ni John ang venue.

By the way, may nai-record palang song si John A, para sa Team Azkals ng Filipinas, ang titulo nito ay “Go Azkals” na may libo-libong views sa YouTube. Siguradong natuwa rito ang fans ng nasabing team at maging ang mga miyembro nito na sina Neil Ethridge, Roland Muller, Simon Rota, Amani Aguinaldo, Mark Hartmann, mag-utol na James at Phil Younghusband etc. Maganda ang song at beat nito na puwede pa rin i-download sa http://www.clickmusic.com in high resolution at Click Music.

Matatandaan noong kasikatan nang husto ng AlDub love team nina Alden Richards at Maine Mendoza ay nag-record din ng song si John para sa dalawa na may pamagat na “Aldub U” na humamig rin ng maraming views dahil sinuportahan ito ng ALDUB Nation sa YouTube.

VONGGANG CHIKA!
ni Peter Ledesma