Wednesday , May 29 2024

3 pulis patay, 3 sugatan sa ambush sa CamSur (Escort security ni FDA Director General Puno)

Hataw Frontpage 3 pulis patay, 3 sugatan sa ambush sa CamSur (Escort security ni FDA Director General Puno)
Hataw Frontpage 3 pulis patay, 3 sugatan sa ambush sa CamSur (Escort security ni FDA Director General Puno)

PATAY ang tatlong pulis habang tatlo ang sugatan makaraan tamba­ngan ang dalawang patrol vehicles ng pulisya na bahagi ng escort security ni Food and Drug Administration (FDA) Director General Nela Puno sa Lupi, Camarines Sur, nitong Huwe­bes.

Sa pinangyarihan ng krimen ay makikitang basag ang mga salamin at sabog ang dalawang gulong ng patrol car ng Camarines Sur police.

Kinilala ang mga napaslang na sina SPO1 Percival Rafael, PO3 Carlito Navarroza, at PO1 Ralph Jason Vida.

Habang ang mga sugatan ay sina PO1 Jonathan Perillo, Ruby Buena, at Rodolfo Gon­zaga na agad isinugod sa Bicol Medical Center.

Ayon sa ulat, nasa Brgy. Napolidan ang mga sasakyan at papunta sa Daet nang paulanan ng bala bandang 9:10 ng umaga.

Makaraan pagbaba­rilin ay tinangay ng gun­men ang M-14 service firearm ng isa sa mga napatay na pulis.

Ayon sa hepe ng Lupi, Camarines Sur police, mga rebelde ang tingin nilang utak ng krimen.

“Kalaban natin sa kabila ang mga ito. [Nagkalat] na naman sila ng kanilang karahasan. Ina-ambush ‘yung tropa natin… Hindi po pinalad ‘yung tropa ko, pero nakipagbakbakan sila,” ani S/Insp. Rommel San Andres.

Ilang metro mula sa ambush site, narekober ang hindi sumabog na improvised explosive device (IED) at mga gamit ng mga hinihi­nalang rebelde.

Ligtas na nakapunta ng Daet si Puno.

Tumutulong na ang militar sa pagtugis sa mga sinabing rebelde.

Samantala, iniutos ng liderato ng Philippine National Police (PNP) sa pulisya na maging ma­pagbantay dahil sa mga pag-atake ng mga rebel­de.

Kamakailan, si Puno ay kinuwestiyon sa isang Letter of Authority and Exemption na may pe­keng pirma ni dating Health secretary Paulyn Jean B. Rossel-Ubial.

Ang nasabing liham ay nagbibigay ng awtori­dad kay Puno para sa procurement increase mula P5 milyon patungo P100 milyon na tina­tang­gal ang DOH oversight and authority.

HATAW News Team

About hataw tabloid

Check Also

Online gambling target lusawin ng Manila solons

Online gambling target lusawin ng Manila solons

DESIDIDO ang dalawang konggresista ng Maynila na lusawin ang ang namamayagpag na sugal sa online …

Online Gambling Gambling lalansagin ng 2 Konggresista ng Maynila

Online Gambling Gambling lalansagin ng 2 Konggresista ng Maynila 

PURSIGIDO ang dalawang magiting na konggresista ng Maynila na lansagin ang mga namamayagpag na sugal na …

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

Leave a Reply

Your email address will not be published. Required fields are marked *