Tuesday , April 23 2024
Joel Maglunsod Rodrigo Duterte
Joel Maglunsod Rodrigo Duterte

Joel Maglunsod sinibak ni Digong (Crackdown sa KMU umpisa na)

SINIBAK ni Pangulong Rodrigo Duterte si Labor Underscretary Joel Mag­lunsod, ang huling opi­syal sa kanyang administrasyon na rekomen­dado ng National Demo­cratic Front (NDF).

Hindi direktang ti­numbok ng Pangulo ang dahilan ng pagpapaalis niya kay Maglungsod ngunit hindi ikinubli ang pagkapikon sa patuloy na pagsasagawa ng strike ng mga obrero na nakaa­apekto aniya sa ekono­miya ng bansa.

“Pero ang solusyon talaga dito, doon sa urban areas, iyong mga labor-labor, mga t******** rin ‘yang kasama ninyo and sa white area, ‘yung agita­tion ng ano, ‘yan paghu­hulihin ko talaga ‘yan. Kasi kung mag-strike sila nang mag-strike, sabihin mo sa kanila strike sila nang strike, they willl paralyze the economy. ‘Pag wala nang pera ang mga trabahante tapos magkagulo, mapipilitan ako. Ayaw ko,” anang Pangulo.

Kung ‘papasukan’ aniya ng Kilusang Mayo Uno (KMU) ang mga unyon ng mga mangga­gawa ay uutusan niya ang mga awtoridad na huli­hin ang mga taga-KMU.

“Pero kung papasu­kan na, huhulihin ko lahat ‘yang Mayo Uno at si Joel Maglungsod, iyong Undersecretary ng DAR — Labor Joel Maglungsod pinaalis ko. Pinagbigyan ko sila noong bago ako kasi gusto ko ma… Nandoon sila sa opisina, Joel Maglungsod, sila lahat. Sige pa sila — sama-sama pa kami sa Davao,” dagdag niya.

Si Maglunsod ay dating Anakpawis party-list representative at naging secretary general at vice chairperson ng KMU.

Nauna rito, isiniwalat ng militar na bahagi ng Red October ouster plot ang Oplan Aklasan o ang operational plan na iki­nakasa ng Communist Party of the Philippines (CPP) at kanilang pren­teng organisasyon na magkakasabay na pag-aaklas ng mga pabrika at boycott sa mga uni­bersidad na magbibigay daan sa pagpapatalsik kay Pangulong Duterte.

(ROSE NOVENARIO)

 

 

About Rose Novenario

Check Also

fire dead

Nanay naghanap ng kahoy para panggatong
2 PASLIT NA MAG-UTOL NAABO SA SUMABOG NA TANGKE NG LPG

SILANG, CAVITE — Masusing iniimbestigahan ang pagkamatay sa sunog ng magkapatid na paslit base sa …

Ejay Falcon Alan Peter Pia Cayetano ORIENTAL MINDORO

Mga Cayetano, nagpaabot ng tulong  
1,650 BENEPISARYO, 50 TESDA SCHOLARS PARA SA ORIENTAL MINDORO

UMABOT sa 1,650 benepisaryo mula sa iba’t ibang sektor at distrito sa Oriental Mindoro ang …

PCMC MRI and CT scan Pia Cayetano Bong Go

Cayetano nanguna sa pasinaya  
STATE-OF-THE-ART MRI, CT SCAN EQUIPMENT, ATBP FACILITIES SA PCMC

PINANGUNAHAN ni Senadora Pia Cayetano ang pagbubukas ng Philippine Children’s Medical Center (PCMC) para sa …

Navoteño solo parents cash subsidy

Navoteño solo parents tumanggap ng buwanang cash subsidy

SINIMULAN ng pamahalaang lungsod ng Navotas ang pamamahagi ng buwanang cash subsidy para sa mga …

drugs pot session arrest

4 arestado sa pot-session sa Valenzuela

SWAK sa kulungan ang apat katao matapos mahuli sa akto ng mga pulis na sumisinghot …

Leave a Reply

Your email address will not be published. Required fields are marked *