Thursday , October 21 2021
knife saksak

Magulang sinaksak ng anak

KRITIKAL ang kalaga­yan sa pagamutan ng isang mag-asawa maka­raan saksakin ng kanilang anak na lalaki na sina­sabing may diperensiya sa pag-iisip dahil sa pagka­gumon sa droga, sa Makati City, kahapon ng madaling-araw.

Inoobserbahan sa Os­pital ng Makati ang mga biktimang sina Allan Astillero, 48, at Aracelie, 59, residente sa Guiho Extension, Brgy. Cembo ng lungsod.

Habang tinutugis ng mga awtoridad ang tumakas na suspek na si Carigie Astillero, 20-anyos.

Ayon kay Makati City Police chief, S/Supt. Roger Simon, nangyari ang insidente dakong 5:30 am sa bahay ng mga biktima.

Sa imbestigasyon, pinagsasaksak ng suspek ang kanyang ama na pa­pa­sok na sana ng trabaho at ang ina habang nag­liligpit sa kanilang bahay.

Tumakas ang suspek makaraan ang insidente habang isinugod  sa natu­rang pagamutan ang mga biktima ng kanilang mga kapitbahay.

Ayon sa pulisya, may sakit umano sa pag iisip ang suspek dahil sa dro­ga. Ang suspek ay naku­long noong Agosto 2018 dahil sa mga kasong grave threat, illegal pos­session of deadly weapons at sa droga.

Sinasabing hindi u­ma­no natulungan ng mga magulang nang maku­long sa Makati City Jail ang suspek kaya nagta­nim ng galit sa mga bik-t­ima.

Ayon kay Simon, nitong 17 Setyembre, tangkang tumakas ang suspek mula sa Makati City Jail ngunit binaril sa paa at kamay ng mga nakatalagang jail officer.

Makaraan ipagamot sa ospital ay ibinalik sa naturang kulungan ang suspek ngunit kinaha­punan ay lumabas ang commitment order para sa kanyang paglaya.

Nang makauwi ang suspek sa kanilang bahay ay inundayan ng saksak ang kanyang mga magu­lang. Isa sa tinitingnan ng pulisya ang posibleng paghihiganti sa mga magulang ng suspek na nagtanim ng galit nang siya ay makulong.

(JAJA GARCIA)

About Jaja Garcia

Check Also

‘Party drugs’ distributor sa Bulacan, atbp., timbog sa Marikina

NAKOMPISKA ang may 103 piraso ng ‘ ecstasy ’ na tinatayang nagkakahalaga ng P185,400 mula …

Chest X-Ray

Mga empleyado ng Kapitolyo, PDLs sa Tanglaw sumailalim sa libreng TB screening, chest x-ray

SA LAYUNING mahanap ang mga may aktibong Tuberculosis (TB), maipalaganap ang kaalaman, at mabawasan ang …

6K paniki nasabat sa 4 lalaki (Sa San Miguel, Bulacan)

Sa San Miguel, Bulacan
6K PANIKI NASABAT SA 4 LALAKI

INARESTO ng pulisya ang apat na lalaking nahulihan ng mahigit 6,000 wrinkle-lipped bats o paniki …

dead gun police

Sa Negros Occidental
KABIBIYUDANG EMPLEYADO NG CITY HALL TODAS SA BOGA NG TANDEM

ISANG bagong biyudang empleyado ng city hall ang namatay nang barilin ng dalawang hindi kilalang …

knife saksak

Janitor pinagsasaksak ng helper

KRITIKAL ang kalagayan sa pagamutan ng isang janitor matapos pagsasaksakin ng kanyang kapitbahay sa Malabon …

Leave a Reply