Saturday , April 20 2024

Mayweather-Pacquiao rematch umuugong

POSIBLENG magtapat muli sa ibabaw ng lona sa ikalawang pagkakataon ang mahigpit na magkaribal na sina Manny Pacquiao at Floyd Mayweather Jr.

Ito ay ayon kay Mayweather mismo na hinamon si Pacquiao sa isang rematch sa darating na Disyembre matapos ang kanilang personal na pagkikita sa Tokyo, Japan kamakalawa.

“I’m coming to fight Manny Pacquiao this year, another 9-figure pay day on the way,” anang Amerikanong boksingero sa instagram post sa kanyang opisyal na social media account.

Bagamat hindi pa opisyal at wala pang kompletong detalye, walang inaasahang magiging balakid sa ikinakasang rematch ng dalawa.

Ito ay dahil nasa ilalim si Mayweather ng kanyang sariling promotion habang wala na sa Top Rank at free agent ngayon si Pacquiao.

Magugunitang unang naglaban ang dalawa noong 2015 sa tinaguriang “Fight of the Century” na tumabo nang makasaysayang 4.6 milyong pay-per-views.

Nanalo si Mayweather sa pamamagitan ng unanimous decision nang magdahilan nga si Pacquiao na sumalang siya sa laban na may iniindang shoulder injury.

Umaasa si Mayweather na wala nang magiging dahilan ngayon sa pagitan ng dalawa sa binabansagang pinakamagaling na mandirigma ng kasaysayan.

Dalawang beses lumaban ang 41-anyos na si Mayweather matapos ang sagupaan nila ni Pacquiao na parehong nagresulta sa panalo kontra kay Andre Berto noong 2015 at Conor McGrego noong 2017 bago nga nagretiro na may malinis na 50 panalo, walang talo at 27 knockouts.

Sa kabilang banda, kagagaling ni Pacquiao (60W-7L-2D-39KO) sa panalo kontra kay Lucas Matthysse ng Argentina nitong nakaraang Hulyo upang maagaw ang WBA welterweight championship.

ni John Bryan Ulanday

About John Bryan Ulanday

Check Also

NYBL Butz Arimado TOPS PSC

NYBL Inter-Cities lalarga sa Mayo 4

ISASAGAWA ng National Youth Basketball League (NYBL) ang 2nd Inter-Cities and Municipalities basketball championship  sa …

Philippine athletics TOPS PSC

Philippine athletics meet tatakbo na

Manila — Inilalagay ng Philippine Athletics Track and Field Association ang kanilang pinakamahuhusay na atleta …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Leave a Reply

Your email address will not be published. Required fields are marked *