AYON kay Marlo Mortel, maraming pagkakataon na dinalaw na siya sa panaginip ng namayapa niyang inang si Mrs. Merlie Pamintuan.
“After niyang mamatay, ang daming beses ko siyang napanaginipan. ‘Yung huling-huling naalala ko, the other day yata ‘yun, na parang kailangan na talaga niyang mag-rest. Kausap ko siya, one on one, super close up, kasi usually mas malayo, eh, ‘pag napapanaginipan ko siya. Pero noong umaga na ‘yun, talagang magkausap kami one on one, tapos sabi nga niya kailangan na nga niyang magpahinga,” sabi ni Morel nang makausap namin sa block screening ng pelikula nilang Petmalu na showing na ngayon sa mga sinehan.
Gaano niya ka-miss ang mommy niya?
“Super miss. Kasi everyday of my life naman, nandoon siya, eh. Hindi naman kami naghiwalay, hindi naman ako bumukod. Isinama ko sila noong bumili ako ng bahay. So super close talaga kami. Kaya nami-miss ko siya everyday.”
ni ROMMEL PLACENTE
