Thursday , June 4 2026

800 Navoteño nakinabang sa mobile passport service

SA ikalawang pagkakataon ngayong taon, nakipagtulungan ang Pamahalaang Lungsod ng Navotas sa Department of Foreign Affairs (DFA) para makapaghandog sa mga Navoteño ng madaling access sa passport application at renewal.
Umabot sa 800 Navoteño ang nakinabang sa mobile passport service na isinagawa sa Navotas City Hall noong Sabado, 1 Setyembre.
Sa kanyang talumpati, sinabi ni Mayor John Rey Tiangco ang kahalagahan ng pagkakaroon ng pasaporte.
“Ang passport ay mahalaga hindi lamang para sa mga travel sa ibang bansa. Ginagamit din ito bilang valid ID sa anomang transaksiyon kaya mainam kung mayroon kayo nito,” aniya.
Binanggit din ni Tiangco na ang Philippine passport ngayon ay valid sa loob ng 10 taon para sa mga adult at limang taon para sa mga menor de edad.
Samantala, pinasalamatan niya ang DFA sa tulong nito na maging madali para sa mga Navoteño ang pagkakaroon ng passport.
“Sa pamamagitan ng mobile passport service, hindi na kailangan pang lumayo ng ating mga senior citizen, mga may kapansanan, mga buntis, at mga bata para makapag-apply ng kanilang pasaporte,” saad niya.
Aabot sa 3,700 passport application form ang ipinamahagi ng pamahalaang lungsod, sa pamamagitan ng NavotaAs Hanapbuhay Center, noong 4-11 Agosto.
Dahil sa limitadong slots, 1,000 lamang ang nabigyan ng  appointment stubs makaraan nilang sumailalim sa initial screening at magbayad ng P1,250 processing fee.
Ang passport ng mga aprobadong aplikante ay ipadadala sa kani-kanilang address.  Nagsagawa rin ng mobile passport service ang Navotas at DFA noong Pebrero ngayong taon.
Krystall Herbal Products and FGO Branches

About Jun David

Check Also

Hand Baby Dead

Pinalabas na kinidnap ng ama
Sanggol paulit-ulit na iniuntog, bangkay isinilid sa ecobag ng yaya

NAAAGNAS na ang bangkay nang matagpuan ang isang 11-buwang gulang na sanggol sa loob ng …

Terry Ridon Sara Duterte

‘Pagtakas’ ni VP Sara sa paglilitis inupakan

MARIING pinuna ng ilang miyembro ng House prosecution panel ang naging sagot ng kampo ni …

Kiko Barzaga

Barzaga pinatalsik na, binura pa sa roster ng House of Representatives

BINURA kagabi, Martes, 2 Hunyo 2026, sa roster ng mga miyembro ng Kamara si Cavite …

PNP PRO3 Central Luzon Police

Sa Pampanga at Nueva Ecija
DALAWANG HIGH-VALUE TARGET TIMBOG SA P2.7-M HALAGA NG SHABU

DALAWANG high-value individuals ang naaresto sa pinaigting na kampanya ng Police Regional Office 3 (PRO3) …

Sibuyas Onions

₱35.4-M puslit na sibuyas nakompiska sa Nueva Ecija masterminds tinutugis

LABIS sa ₱35.4 milyong halaga ng pinaghihinalaang puslit na sibuyas ang nakompiska sa isang cold …