Friday , March 29 2024
Arjo Atayde Rhea Tan Beaute­Derm
Arjo Atayde Rhea Tan Beaute­Derm

Arjo Atayde, likas ang husay bilang aktor

SA tuwing napapanood namin si Arjo Atayde, lagi kaming bumi­bilib sa galing ng actor. Mula pa nang una naming makita ang paglabas niya sa MMK, ilang taon na ang nakalilipas, hanggang sa astig na performance niya sa Ang Pro­binsyano bilang isa sa kontrabida ni Coco Martin, sadyang likas ang husay ni Arjo bilang actor.

Kailan lang ay muling ipina­malas ni Arjo ang kanyang hu­say sa pelikulang Buy Bust na pinagbibidahan ni Anne Curtis. Hindi na namin babanggitin ang papel dito ng tisoy na Kapamilya actor dahil ayaw naming maging spoiler. Muling ipinalalabas kasi ngayon ang Buy Bust after ng Pista ng Pelikulang Pilino.

Susunod na mapapanood ang guwapitong anak ni Ms. Sylvia Sanchez sa star-studded na seryeng The General’s Daughter ABS CBN. Tampok din dito sina Angel Locsin, Maricel Soriano, Ryza Cenon, Eula Valdez, Janice De Belen, Tirso Cruz III, Albert Martinez, at marami pang iba.

Base sa nasagap naming balita, si Arjo ay gaganap na anak ni Maricel sa naturang serye. May autism ang karakter dito ni Arjo kaya panibagong challenge na naman ito para sa aktor. Ayon kay Arjo, nagsimula na silang mag-taping sa The General’s Daughter.

“Okay naman po. Nag-start na po kami. We’re airing hopefully very, very soon. Wala pang playdates, but let’s see. Soon naman daw,” saad niya.

Sino na ang nakaeksena niya rito? “Si ‘Nay Maricel at saka si Angel, saka marami pang artista,” pakli ng guwapitong anak ni Ms. Sylvia Sanchez.

Saad niya, “Magaling silang pareho e, so I’m very thankful na nabigyan ako ng oportunidad na makasama sila sa teleserye.”

Sinabi rin ni Arjo na lagi niyang ibinibigay ang lahat nang makakaya sa bawat project na ginagawa. “I always give my best no matter what role. It’s not a question. Pero more than giving my best, hindi ko kailangan umarte kasi mas magaling ‘yung kasama ko. Bigay nang bigay lang sila, receive nang receive lang ako,” saad niya ukol kina Maricel at Angel.

Bukod sa pelikula at tele­serye sa ABS CBN, ang isa pang pinagkaaabalahan ni Arjo ay pagiging brand ambassador ng BeauteDerm na pag-aari ng CEO nitong si Ms. Rhea Tan. Actually, mayroong sariling Origin Perfume Series na Alpha, Radix, at Dawn si Arjo na kanyang ipinagmamalaki.

Kabilang si Arjo sa Beaute­Derm ambassadors na sina Ms. Sylvia Sanchez, Carlo Aquino, Alma Concepcion, at Shyr Valdez na present sa opening ng 24th branch ng BeauteDerm na tinawag na Beaute­Finds by BeauteDerm owned and managed by Ms. Kathryn Ong. Located ito sa Unit 307, TNA Building, #17 J. Abad Santos St., Brgy. Little Ba­guio, San Juan City.

ALAM MO NA!
ni Nonie Nicasio

About Nonie Nicasio

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *