Friday , June 20 2025

Wanda, Ben at Erwin, nagisa sa senado

READ: ‘Di pagpapabayad ni Ai Ai, wag gawing big deal

TULFO GUISADO ang kinalabasan ng tatlong magsyusyupatembang na sina Wanda, Ben, at Erwin sa mga senador na nag-iimbestiga tungkol sa maanomalyang million-peso advertising contract sa PTV 4 at ng media company ni Ben.

Marami na ang nasabi’t nasulat sa ginanap na pagdinig sa Senado, tulad na lang ng “patawa” ni Wanda na all along ay hindi niya alam na si Ben ang may-ari ng Bitag.

Kahit malinaw namang palusot lang ‘yon ng dating Tourism Secretary, nakadagdag pa sa pagdududa ng publiko ang pag-display niya ng kanyang mamahaling Hermes bag.

Wala rin daw milyong piso ang isasauli ni Ben dahil nagastos na ‘yon o ang malaking bahagi nito. Taliwas ‘yon sa mariin pa ring deklarasyon ni Ben na legal ang kanilang naging transaksiyon.

Which leaves us one more sibling, si Erwin. Sa kanya kami sesentro ngayon.

Ilang buwan ang nakararaan ay humarap siya sa ilang piling miyembro ng entertainment press. Doon naitanong sa ipinatawag niyang presscon ang balak niyang pagtakbo sa Senado sa darating na May 2019 elections.

Nagulat nga si Erwin dahil kabilang siya sa talaan ng mga senatoriable. Eh, paano na ‘yan ngayong nasa hot water siya at dalawang kapatid?

Mabigat ang batikos kina Ben at Erwin na kapwa mga kagawad pa mandin ng pamamahayag, pero sangkot sa ganitong usapin.

Matatapang kasi sila kung bumira ng mga tiwaling kawani ng gobyerno, pero kamukat-mukat mo, sila pa pala ang dapat bumira sa kanilang mga sarili.

Pansin lang namin, panay ang banat ng Ingles ni Erwin. Ang alam kasi ng publiko’y ang may American accent (na huwad naman) ay si Ben.

Sana lang ay mas gumamit si Erwin ng Tagalog. Ingles kasi siya nang Ingles, mali-mali naman.

Sana’y kung anong guwapo’t tikas ng kanyang tindig ay hinaluan niya ‘yon ng pananalitang hindi kalibak-libak tulad ng pag-i-Ingles na kahit grade one student ay pagtatawanan siya.

HOT, AW!
ni Ronnie Carrasco III

 

 

Krystall Herbal Products and FGO Branches

About Ronnie Carrasco III

Check Also

Claudine Barretto

Claudine may pinagdaraanan, ninenega sa socmed

PUSH NA’YANni Ambet Nabus MARAMI naman ang naawa kay Claudine Barretto dahil sa kasalukuyang pinagdaraanan na tila …

Rayver Cruz Julie Anne San Jose

Rayver ibinuking kilig kay Julie Anne hindi nawawala

MA at PAni Rommel Placente TATLONG taon nang magkarelasyon sina Rayver Cruz at Julie Anne San Jose.  Ayon …

Rabin Angeles

Rabin Angeles pinadagundong mall sa Manila, fans pinakilig

SHOWBIZ KONEKni Maricris Valdez NADESMAYA at nalungkot daw si Rabin Angeles sa fans nina Andres Muhlach at Ashtine Olviga dahil tila …

Ralph Dela Paz Outstanding Young Actor of the year

Ralph Dela Paz Outstanding Young Actor of the year

MATABILni John Fontanilla ISANG malaking karangalan para kay Ralph Dela Paz ang award na natanggap sa katatapos …

Julius Babao Cesar Montano Sunshine Cruz Atong Ang

Cesar maligaya para kina Sunshine at Atong Ang

KINUHA ni Julius Babao ang reaksiyon ni Cesar Montano nang mag-guest ito sa kanyng Youtubechannel na Unplugged, tungkol sa pag-amin ng …

Leave a Reply

Your email address will not be published. Required fields are marked *