Saturday , June 15 2024
road accident

Traffic enforcer, naputulan ng paa sa banggaan ng bus at AUV

MINALAS na naputulan ng paa ang isang traffic enforcer nang madamay sa salpukan ng pampa­saherong bus at ng AUV sa Quezon City, kahapon.

Kinilala ang bikti­mang si Emmanuel Aba­che, traffic enforcer ng Department of Public Order and Safety (DPOS) ng lungsod.

Ayon kay Dexter Cardenas, hepe ng Traffic Operations Division, galing ang bus sa Farmers Tuazon habang mula sa Sta. Mesa ang AUV nang mabangga ng bus ang pribadong sasakyan kaya ito pumihit at sinalpok si Abache.

“Nabangga ng bus ‘yung Innova. ‘Yung Innova tumama din kay traffic enforcer Abache na naputol ‘yung kaniyang paa instantly,” ayon kay Cardenas.

Aniya, naipit ng leftside portion ng Innova ang paa ng traffic enfor­cer.

Sa ngayon, under observation ang biktima sa Quezon City General Hospital habang sinu­subukan ng mga doktor na isalba ang kaniyang paa. Nakatakda siyang isailalim sa MRI.

Samantala, nagpa­alala ang mga awtoridad na sumunod sa mga alagad ng batas at sundin ang mga batas-trapiko upang maiwasan ang ganitong insidente.

“Sana respetohin po natin ‘yung ating mga traffic enforcer, give courtesy to ating mga kapwa driver. Always follow traffic rules and regulations,” sabi ni Cardenas.

Handang tumulong ang Metropolitan Manila Development Authority (MMDA) ukol sa imbes­tigasyon ng insidente.

“Ang tanging maga­gawa natin dito siguro mama-maximize natin ‘yung kuha sa MMDA metrobase. ‘Yun lang ho ‘yung kaya nating ibigay,” sabi ni MMDA spokes­person Celine Pialago.

Sumuko ang driver ng bus habang hinahanap ang driver ng AUV.

About hataw tabloid

Check Also

‘Mangangalakal’ bugbog-sarado sa 15 sekyu ng Las Piñas subdivision

‘Mangangalakal’ bugbog-sarado sa 15 sekyu ng Las Piñas subdivision

BUMUHOS ang suporta para sa isang 26-anyos ‘mangangalakal’ na biktima ng pambubugbog at pagmamaltrato ng …

Mark Leviste Vilma Santos

VG Mark handang magparaya kay Ate Vi sakaling tatakbo muling gobernador

I-FLEXni Jun Nardo NAKARATING kay Batangas Vice Governor Mark Leviste ang pahayag ni Finance Secretary Ralph Recto na kinu-consider …

Queen Vi Rodriguez ACT AGRI-KAAGAPAY

ACT AGRI-KAAGAPAY, nakiisa sa parada ng kalayaan 2024

ALAM MO NA!ni Nonie Nicasio NAKIISA ang Act Agri-Kaagapay Organization, isang non-government organization na nagsusulong …

Lito Lapid

Lapid: Raid sa POGO hub sa Pampanga, isama sa Senate investigation

NANAWAGAN si Senador Lito Lapid sa Senado na isama sa imbestigasyon ang pagsalakay ng mga …

Francis Tolentino

Sen. Tolentino iginiit dapat linawin direktiba sa Bagong Pilipinas Hymn

IGINIIT ni Senate Pro-Tempore Senador Francis Tolentino dapat magkaroon ng kalinawan ang direktiba ng Pangulong …

Leave a Reply

Your email address will not be published. Required fields are marked *