HATAW! D'yaryo ng Bayan hatawtabloid.com
READ: Ngayon at Kailanman, first team-up teleserye nina Julia Barretto at Joshua Garcia eere sa Agosto 20
READ: Bhoy Navarette walang rivalry sa kapwa famous beauty gurus na sina Fanny at Leony
LAST Monday, jampacked ang buong sinehan ng Cinema 7 SM Megamall sa red carpet ng “Unli Life.”
Pinagbibidahan ito ng tambalang Vhong Navarro at beauty title holder Reina Hispanoamericana na si Winwyn Marquez na in all fairness, ang tindi ng chemistry sa big screen.
Bukod sa suporta kay Vhong ng mga kapwa Kapamilya actors sa kanilang premiere night, nag-SRO pa ang buong sinehan.
Talaga namang naaliw at napatawa to the max ni Vhong ang lahat sa kanyang latest movie sa Regal Entertainment Inc., na isa rin sa official entries sa Pista ng Pelikulang Pilipino ng Film Development Council (FDCP).
Nagsimulang itanghal sa mga sinehan nitong 15 Agosto (Miyerkoles) at magtatapos sa 22 Agosto. Isa kami sa mga nakapanood nito at mas entertaining at sobrang nakatatawa kaysa hit movie nina Vhong at Lovi Poe na Woke Up Like This na produce rin ng Regal Entertainment ng mag-inang Roselle at Lily Monteverde.
Kuwela ang pagpunta ni Benedict (Navarro) na gumaganap na Deejay sa iba’t ibang panahon dahil lang sa unfinished relationship sa magandang nobya na si Victoria (Marquez).
Sa tulong ng bartender na si Sir Saro (Joey Marquez) at ng Whisky niya ay nakapunta si Benedict sa iba’t ibang panahon at nakasalumuha niya sina Eva at Adan, Andres Bonifacio, Magellan, at ang sikat na komedyanteng dancer sa entablado na ginagampanan ni Epi Quizon.
Sa lahat ng henerasyon na mapapadpad siya ay nakikita niya si Victoria sa iba’t ibang karakter. Sa huli dahil naitama ni Benedict ang kanyang pagkakamali ay happy ending sila ni Victoria sa movie.
Malaki rin ang role, na ginampanan ni Ejay Falcon sa Unli Life siya ang gumaganap na ka-love triangle nina Vhong at Winwyn.
Kasama rin sa cast sina Hugot Girl, Donna Cariaga at Pilipinas Got Talent 2018 Finalist na si Joven Olvido at mula sa direksyon ni Miko Livelo ang kaisa-isang full lenght comedy movie sa PPP, kaya nood na!
VONGGANG CHIKA!
ni Peter Ledesma
