Block screenings ng mga pelikula, usong-uso

USONG-USO ngayon ang block screening sa mga artista. Marami ang natutuwa dahil nakatutulong ito ng malaki para kumita ang isang pelikulang palabas sa mga sinehan.

Katulad halimbawa ng mga kapwa artistang sumusuporta kay Kris Aquino para sa I Love You Hater na tinatampukan din nina Julia Barretto at Joshua Garcia.

Epektibo ang block screenings dahil nagpapasok ito ng pera sa mga sinehan. Ang problema hindi karangalan para sa mga nagbibida sa pelikula dahil ipinamimigay at binili ang tiket nito para panoorin ang pelikula.

Obligadong panoorin dahil binayaran na ang tiket nito hindi katulad ng mga palabas na talagang pinipilahan at dinudumog ng mga tagahanga para panoorin. Walang excitement dahil pinasok man ito sa sinehan ipinamigay lang ang tiket at hindi sinadya talaga na panoorin ang kani- kanilang movie idol.

Iba pa rin ‘yung dinudumog talaga.

SHOWBIG
ni Vir Gonzales