Saturday , December 10 2022

Suporta kay Leni umarangkada sa NCR, Mindanao

SA kabila ng mga limitasyon at bala­kid, mas ganado si Vice President Leni Robredo na pagbutihin ang kani­yang trabaho, lalo’t nakikitaan ng mas malaking suporta ang kaniyang programa para sa mahihirap na Filipino.

Ayon kay Robredo, malaking bagay ang resulta ng pinakabagong survey ng Pulse Asia, na nagtala siya ng 62 percent approval rating — mas mataas nang pitong porsiyento mula noong Marso. Malaki ang pag-angat ng kaniyang ratings sa National Capital Region, na tumalon ng 20 points patungong 58 percent, at sa Mindanao, na siya ay nagkamit ng 73 percent, mas mataas nang 17 points.

Para sa Bise Presiden­te, ang pagtaas ng ap­proval ratings niya ay pagkilala ng taongbayan sa mga ginagawa ng kani­yang opisina para sa mahihi­rap, sa pamama­gitan ng Angat Buhay anti-poverty program.

Bagamat limitado ang budget, naabot na ng Office of the Vice Presi­dent ang 176 mahihirap na komunidad sa bansa, katuwang ang mga partner nito mula sa pribadong sektor.

Sa loob ng dalawang taon ni Robredo bilang Pangalawang Pangulo, nakapagbigay na ang OVP ng mahigit P252-milyong halaga ng mga proyekto at programa, na ang nakikinabang ay mahigit 155,000 pamil­yang Filipino.

Kabilang sa mga inisi­yatibang ito ang Metro Laylayan program, na nagdadala ng tulong at serbisyo ang OVP at part­ners nito sa mga nanga­ngailangan sa Metro Manila.

Aktibo rin ang OVP sa iba’t ibang bahagi ng Mindanao, kabilang ang Marawi City, na nagpa­tayo ng transition shelter units para sa mga residen­teng napilitang lumikas dahil sa bakbakan.

Pormal na binuksan ang Angat Buhay Village sa Barangay Sagonsongan nitong Martes, 17 Hulyo, para sa unang 60 pa­milyang pansamantalang maninirahan dito.

Ang transitory village na ito ay naitayo sa pakikipagtulungan ng OVP sa Xavier University – Ateneo de Cagayan, Marawi City local govern­ment, at mga partner na nagbigay ng pondo, ser­bisyo, at iba pang panga­ngailangan ng mga napiling pamilya.

Bukod sa shelter units at basic services, binig­yang-prayoridad rin ang social preparations para sa mga pamilya.

HATAW News Team

About hataw tabloid

Check Also

RDF geocycle Holcim Angono Rizal

Sa Angono, Rizal
BASURA GINAMIT BILANG GASOLINA

KASALUKUYANG gamit ng lokal na pamahalaan ng Angono, sa lalawigan ng Rizal, ang modernong teknolohiya …

road accident

Sa Isabela
2 KAWANI NG DA PATAY SA KARAMBOLA NG 3 SASAKYAN

HINDI nakaligtas sa kamatayan ang dalawang empleyado ng Department of Agriculture – Cordillera nang banggain …

Arrest Posas Handcuff

Rank No. 1 MWP ng Southern Leyte tiklo sa Bulacan

INARESTO ang isang lalaking nakatala bilang Rank no. 1 most wanted person (MWP) ng Southern …

Bocaue Bulacan Fireworks Rodolfo Azurin Daniel Fernando

Bulacan Fireworks capital sa Bocaue ininspeksiyon ng pulisya, Kapitolyo

DALAWANG linggo bago ang holiday season, ang Bulacan provincial government sa pakikipagtulungan ng Philippine National …

Bulacan

Sa ika-22 Gawad Kalasag
“BEYOND COMPLIANT SEAL OF EXCELLENCE” IGINAWAD SA BULACAN

NILAMPASAN ng lalawigan ng Bulacan ang pamantayan para sa pagtatayo at pagresponde ng Local Disaster …

Leave a Reply