Friday , January 27 2023
dead gun police

Negosyante nakipagbarilan pulis patay, 1 sugatan

HIMALANG nakaligtas sa pangalawang pagka­kataon ang isang nego­syanteng lalaking lulan ng kotse makaraan maki­pagbarilan habang bina­wian ng buhay ang suspek na isang dating pulis at nasugatan ang kanyang kasama sa sinasabing insidente ng ambush sa Muntinlupa City, kama­kalawa ng hapon.

Agad binawian ng buhay sa insidente dulot ng ilang tama ng bala sa katawan ang suspek na si PO2 Pedro Delgado, 43, may asawa, at residente sa MRH, Soldier Hills Village, Brgy. Putatan, Muntinlupa.

Isinugod sa Medical Center Muntinlupa ang isa pang suspek na si Alfredo Alcaraz, Jr., 26, residente ng Bunyi Com­pound, Brgy. Cupang, Muntinlupa.

Habang kinilala ang negosyanteng si Romil Quambot, 55, may asawa, negosyante, at residente sa Soldier Hills, Brgy. Putatan, ng nabang­git na lungsod.

Ayon sa ulat ng pulisya, nangyari ang insidente 5:00 pm malapit sa main gate ng Soldier Hills, Brgy. Putatan.

Sa inisyal na imbesti­gasyon ng pulisya, mina­maneho ni Quambot ang kanyang Toyota Vios na may plakang SGS 953, ngunit pagsapit sa natu­rang lugar ay bigla siyang pinagbabaril ng mga suspek na lulan ng motorsiklo.

Hindi tinamaan si Quambot ngunit naka­gan­ti siya ng mga putok na nagresulta sa pagka­ma­tay ni Delgado at iki­nasugat ng kanyang kasama.

Ilang taon na ang nakalipas ay malubhang nasugatan si Quambot sa unang ambush sa kanya na ang motibo ay alitan sa lupa.

Narekober sa pinang­yarihan ng insidente ang siyam piraso ng basyo, isang .45 caliber pistol na may dalawang magazine at isang .45 Armscor pistol na may isang magazine at walong bala.

Ayon kay Chief Insp. Gideon Ines, hepe ng Mun­tinlupa police Inves­tiga­tion Section, si Delgado, naka-helmet ay kinilala sa nakuhang ID sa kanya.

Batay sa record na kanilang nakalap, si Delgado ay naka-assign sa Muntinlupa bago siya huling itinalaga sa Min­da­nao ngunit nag-AWOL hanggang matanggal sa serbisyo.

May pending cases siyang carnapping, qua­lified unlawful possession of firearm, alarm and scandal at may bench warrant. Kasama siya sa high value targets ng Muntin­lupa Police.

Patuloy ang imbes­tiga­syon ng pulisya sa insidente.

ni MANNY ALCALA

About Manny Alcala

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply