Monday , September 26 2022

Richard, bata pa lang marunong nang magnegosyo

SA nakaraang blogcon set visit ng Star Creatives para kay Richard Yap para sa post birthday nito ay napag-usapan ang nalalapit na Father’s Day sa Hunyo 17 at natanong kung ano ang natatandaan niyang payo sa kanya ng ama.

He’d always say ‘The good that you do today will be forgotten tomorrow but do good anyway.’ I think he got that from a quotation. That was what he taught us, na your reputation is what makes you as a person so you have to guard that,” pahayag ng aktor.

At dahil kabilang sa Chinese family ay pagnenegosyo ang itinuro ng ama kay Richard.

“I think ’yung pagiging business-minded (ang natutuhan ko sa kanya). He trained us to be business-minded. Bata pa lang ako, grade school, high school, we’d go out. Sumasama ako sa client calls niya,” kuwento ni RY.

At ito naman talaga ang unang karera ni Richard bago siya napasok sa showbiz, pero napanood muna siya sa Chowking bago siya naging Papa Chen sa seryeng Binondo Girl (2011).

Ang hindi naman malilimutan ni Richard na bonding moments nila ng ama.

Usually kasi we’d go swimming. We’d go to the beach when I was very young. We live in Cebu, so, malapit lang ang beach sa amin. We’d make it a point na we go to a beach. Or kung hindi, on Sundays, we go to this area in Cebu, Talisay, bumibili kami ng lechon and eat together,” balik-tanaw ng aktor.

At ngayong tatay na siya nina Ashley at Dylan ay ganito rin ang ginagawa ni Richard ‘pag bonding moments nila.

“’Pag wala akong taping, if I’m not working, we usually spend time together especially during weekends. Kung minsan, like weekdays, kung may oras ako, like si Ashley nagkikita kami, we have coffee together. Si Dylan naman, he’s busy with school kasi hindi pa tapos ang school niya pero we’ve been bonding sa golf and firing range. At least, para magkasama kami,” kuwento pa ng ideal dad ng dalawang anak.

Samantala, natanong naman si Richard kung ano ang masasabi niya na pagkatapos ng successful teleseryeng Be Careful With My Heart ay muli silang bumalik sa rating timeslot, ang Sana Dalawa ang Puso kasama sina Jodi Sta. Maria at Robin Padilla.

There was some pressure kasi babalik kami sa timeslot namin uli and of course people were expecting a lot from us kasi dati naming hawak ang timeslot na ’yon, the viewership has changed.

“’Yung landscape ng viewership medyo iba na. Medyo kumonti talaga ang nanonood ng TV. They’re watching NetflixIflix. We feel na hindi na ganoon karami ang nanonood ng TV hindi katulad ng dati,” paliwanag ng aktor.

Sir Martin Co na ang natatandaan ng tao ngayon kay Richard at nawala na ‘yung Papa Chen at Sir Chief.

“It means natanggap na rin nila ang character ko para ma-associate it for me.”

Sa totoong buhay ba na niloko ni Mona (Jodi) si Martin ay posible rin bang ganito ang maramdaman ni Richard sa totoong buhay.

I think it would have been a normal reaction kasi niloko ka at wala kang kaalam-alam na hindi pala iyon ang taong pakakasalan mo. I think I would have reacted the same way also na you feel the betrayal talaga kasi you trusted the person, you loved the person tapos hindi pala ’yun ang pakakasalan mo.

So now, his biggest challenge is trying to trust people kasi ang feeling niya, ‘Paano ko mata-trust ang tao kung ’yung mismong minahal ko ay niloko ako.’ He’s trying to get himself back on track kung paano siya magiging siya uli kasi nagbago ’yung bagong persona niya.

Si Martin naman, he was a very fun-loving person, who was loveable sa staff niya, sa employees niya. He really believed in love pero nasira ’yon because of what happened kasi niloko siya ni Lisa at Mona,” paliwanag ni Richard.

Posible rin bang umabot sa 2 years ang Sana Dalawa Ang Puso.

That we don’t know. I cannot say. Ang hirap pantayan ng ‘Be Careful,’ that’s expected. Pero so far naman, humahaba naman na ang story nito. So, baka may chance,” napangiting say ni Richard.

FACT SHEET
ni Reggee Bonoan

About Reggee Bonoan

Check Also

Ryza Cenon

Ryza tinalakan ang Maynilad (Water bill umabot ngP120k) 

MATABILni John Fontanilla SUPER shock si Ryza Cenon nang bumulaga sa kanya ang bill niya sa tubig …

Vhong Navarro Atty Alma Mallonga

Abogado ni Vhong nanindigan: ‘Di totoo ang bintang na rape

MA at PAni Rommel Placente SA panayam pa rin ng PEP.ph sa legal counsel ni Vhong Navarro na si Atty. …

Janice de Belen Inah Estrada Jake Vargas

Janice sa isyung buntis ang anak — Mahirap itago iyan dahil sa socmed

DEADMA lang si Janice de Belen tungkol sa kumakalat na tsismis na nabuntis umano ang anak niyang …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Vhong Navarro Tanya Bautista

Misis ni Vhong nananalig mapapawalang-sala ang asawa

HUMARAP kahapon ng hapon ang misis ni Vhong Navarro na si Tanya Bautista para maglabas ng saloobin ukol sa …

Leave a Reply