Friday , March 29 2024

Marco, hindi nililigawan si Juliana, close friends lang sila

WALA namang pagsisisi kaming nakita kay Marco Gallo nang sabihin niyang babalik siya sa 2ndyear college kapag nag-aral ulit siya ng kursong Linguistic dahil bumagsak siya sa Latin.

Kasalukuyang nag-aaral noon sa Milan, Italy si Marco nang sumali siya sa PBB Teen 7 at binansagang Pilyo Bello of Italy.

“Ang pinag-aaralan ko po noon na languages are French, Latin, English, Spanish. Mahirap po ang Latin kaya nga po ako bumagsak.

“Noong nag-audition po ako ng ‘PBB,’ 2ndyear of summer na, mag-avail sana ako ng summer kasi bagsak ako sa Latin and may exam ako ng September. Kung naipasa ko ‘yung exam na ‘yun, I’ll be in 3rdyear. Ngayon hindi ako nakapag-present ng sarili ko kasi nasa loob ako ng Bahay po. That’s why If ever I go back, 2ndyear po ulit ako,” kuwento ng binatilyo.

Plano na ni Marco sa Pilipinas mag-aral sa parehong kurso at pinayuhang sa UP mag-aral dahil may ino-offer silang kurso na gusto niya.

Kasama si Marco sa pelikulang Familia BlandINA bilang panganay na anak ni Karla Estrada na idinidirehe ni Jerry Sineneng na produced ng Arctic Sky Productions na pag-aari ni Dr. Dennis Aguirre at idi-distribute ng Star Cinema.

Samantala, naging laman ng balita si Marco kamakailan dahil siya ang prom date ni Julia Gomez, ang unica hija nina Ormoc Mayor Richard Gomez at Leyte 4thDistrict Representative Lucy Torres-Gomez.

Nagkakilala sina Marco at Juliana dahil sa Bench na pareho silang endorsers at naging magkaibigan na sila simula noon.

“We just met there (Bench event) and we became close friends and everyday we’re talking as friends,” kaswal na sabi ng binatilyo.

Bakit siya ang napiling kasama ni Juliana?

“Wala po kasi siyang kasama sa prom and she ask me if I can go with her, sabi ko ‘okay wala naman akong gagawin,’” saad ni Marco.

Marami ring kaibigang lalaki si Juliana pero si Marco ang pinalad na maka-date ng dalaga.

“Marami naman po kasi taga-Makati siya so not probinsiya style ang pag-iisip niya. I know her friends and they’re so nice,” pakli ng aktor.

Nagkakilala na sina Marco at ang magulang ni Juliana bago nangyari ang prom night.

“Dati pa po when we shoot for Bench sa Ormoc (City),” say ng binatilyo.  At sa pagpapatuloy niya, “At first siyempre it’s kinda hindi ko sila kilala siyempre it’s still scary na I meet the parents and it’s a big deal na not just in the Philippines in the end, he’s been super nice to me, so I don’t judge by the book. I like to know people before to judge and sobrang naging mabait sila sa akin, both parents and I’m glad at it.”

Sinangga kaagad ni Marco ang susunod naming tanong kung nanliligaw siya kay Juliana.

“Hindi ko po siya nililigawan,” paniniyak ng binatilyo.

Isang beses lang pumunta si Marco sa bahay ng Gomezes, “just went there ibang kasama po, I don’t feel like going there alone.”

Itinanggi rin ng aktor na nagbibigay siya ng something kay Juliana kapag nagkikita sila.

“No, why should I? And we’re not in the 1800 (years). If you’re courting, you have to give something else, but I’m not courting,” sabi pa.

Bakit nagustuhan niyang maging kaibigan ang dalaga? “She’s nice, one of the nicest I met in showbiz. Siyempre, ‘yung iba makikilala mo na buong pamilya nila artista. I met people na they’re not stick to the ground, they look at you by the cover at iyon ang kakaiba sa kanya. Rati hindi ko alam na anak siya ni Richard Gomez, then she’s like that and I’m proud of.”

As of now ay walang ka-loveteam si Marco dahil trabaho muna ang prioridad niya pero sa Familia BlandINA ay may partner siya na hindi pa lang niya sinabi kung sino.

Bukod kina Karla at Marco ay kasama rin sa pelikula sina Jobert Austria, Xia Vigor, Marissa Delgado, Buboy Garovillo, at Twinkle.

FACT SHEET
ni Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *