Monday , October 3 2022

Bagong park hall binuksan sa Navotas

PINANGUNAHAN ng magka­patid na Rep. Toby Tiangco at Mayor John Rey Tiangco ang blessing ceremony at pag­papasinaya sa bagong palaruan at multi-purpose hall sa NavotaAs Homes-Tanza sa Brgy. Tanza 2.

“Ang paglalaro ay maha­laga sa paglaki ng isang bata. Sa pamamagitan ng paglalaro, natututo ang bata kung paano makihalubilo, makipagkaibigan at makitungo nang mabuti sa kapwa. Kaya importante na mabigyan natin sila ng ligtas na lugar para makapaglaro at mag-enjoy,” ani Mayor Tiangco.

Ikinalungkot ng alkalde na may mga batang nagsusugal dahil wala silang ibang mapag­libangan at nakikita nila itong ginagawa ng mga nakata­tanda. “Sa mga magulang, maging mabuting halimbawa kayo sa inyong mga anak. Nagsisikap ang ating pama­halaang lungsod na maibigay sa inyo ang isang komunidad na kompleto sa mga pasilidad para magkaroon kayo ng buhay na may dignidad,” dagdag niya habang pinapaa­lalahanan ang mga residente na ang pagsu­sugal at paggamit ng ilegal na droga ay mahigpit na ipinag­babawal at sanhi ng pagpapaalis sa pabahay.

Samantala, pinayohan ni Rep. Tiangco ang mga residente na panatilihing malinis at maayos ang NavotaAs Homes. “Dating palaisdaan ang lugar na ito. Nagsikap tayong ayusin ito para magkaroon kayo ng disenteng tahanan. Umaasa kami na pangangalagaan ninyo ang inyong komunidad pati na ang lahat ng mga pasilidad na nandito,” sabi niya.

Hinikayat din ng mambaba­tas ang mga magulang na siguruhing makapag-aral ang kanilang mga anak. “Panatilihin natin ang mga bata sa paaralan. Hindi sila dapat nasa lansangan o nagtatrabaho. Bigyan natin sila ng pagkaka­taong mapaun­lad ang kanilang sarili at makagawa ng ma­gandang kinabukasan sa pa­ma­magitan ng edukasyon,” dagdag niya.

Ginawa ng Pamahalaang Lungsod ng Navotas ang NavotaAs Homes-Tanza play­ground sa tulong ni Isabel Nicole Limpo at ng kanyang pamilya na naghandog ng playground equipment.

Sa kabilang banda, ang multi-purpose hall ay proyekto ng Department of Public Works and Highways (DPWH).

Kasama sa sumaksi sa pasinaya sina Vice Mayor Clint Geronimo, councilor Neil Cruz, mga opisyal ng barangay, Engr. Ernesto Galang ng DPWH Malabon-Navotas District Engineering Office, at depart­ment heads ng pamahalaang lungsod. (JUN DAVID)

About hataw tabloid

Check Also

Marian Rivera Dingdong Dantes Ceelin Caritas

DONG AT YAN PRIORIDAD ANG KALUSUGAN NG MGA ANAK; 
Nakibahagi sa #ImmunityForAllKids” ng Ceelin at Caritas  

KAPURI-PURI ang pagiging magulang nina Marian Rivera at Dingdong Dantes lalo’t binibigyan nilang prioridad ang kalusugan na makikita sa …

Piolo Pascual Rhea Tan

Aminadong pinag-ipunan ang Kapamilya star
BEAUTEDERM CEO RHEA TAN DREAM COME TRUE NA MAGING ENDORSER SI PIOLO PASCUAL,

ALAM MO NA!ni Nonie Nicasio IPINAHAYAG ng Beautéderm President and CEO na si Ms. Rhea Anicoche-Tan na …

Macbeth 20th anniversary

20th anniversary ng Macbeth rakrakan cum fashion show

I-FLEXni Jun Nardo RAKRAKAN cum fashion show ang handog ng brand na Macbeth sa 20 years celebration …

Macbeth Benjie Estanislao

Macbeth’s 20th Anniversary Show pasabog

SHOWBIZ KONEKni Maricris Valdez Nicasio AMINADO ang direktor ng Macbeth’s 20th Anniversary Show na si Benjie Estanislao na kakaiba at …

Krystall B1B6, Krystall Herbal Oil

Krystall herbal oil, Krystall vit. b1 & b6 nagpalubag ng loob ng magsasakang sinalanta ni ‘Karding’

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

Leave a Reply