Saturday , June 15 2024

Palasyo itinuro si De Castro (Naduwag sa Tulfos?)

KUNG gaano ka-anghang ang mga pahayag ng Palasyo sa mga katiwalian ng ilang mga dating opisyal ng pamahalaan, tila nabahag naman ang buntot nila sa napaulat na P60-M ‘nakurakot’ ng mga Tulfo sa People’s Televison (PTV).

Mistulang binuhusan ng malamig na tubig ang ‘taray’ Ni Presidential Adviser on Human Rights at Presidential Spokesman Harry Roque at itinuro si Tourism Undersecretary Kat de Castro na bahalang sumagot sa isyu .

“We’re deferring to USec Kat de Castro,” maigsing text message ni Roque sa mga mamamahayag kahapon sa isyu.

Kamakalawa’y napaulat na kinuwestiyon ng Commission on Audit (COA) ang ± 60 milyong ibinayad ng Department of Tourism (DOT) sa Bitag Media Unlimited, Inc., para sa mga commercial na lumabas sa PTV program na Kilos Pronto noong 2017.

Ang Bitag Media ay pagmamay-ari ni Ben Tulfo, kapatid ni Tourism Secretary Wanda Teo.

Ayon sa COA, walang mga kaukulang dokumento ang pagsasahimpapawid ng mga anunsiyo ng DOT Bitag Media produced program na “Kilos Pronto.”

Ito ay sa kabila ng pinirmahang Memorandum of Agreement (MOA) sa pagitan ng People’s Television Network Inc (PTNI) at DOT para maipalabas ang mga commercial sa nasabing programa sa PTV-4 na ang mga host ay magkapatid na Ben at Erwin Tulfo kasama si Alex Santos.

Idinaan ng DOT sa PTNI ang pagbabayad nito sa Bitag Media, na ayon sa COA ay natuloy kahit walang MOA sa pagitan ng Bitag at PTNI; Certificate of Performance; Budget Utilization Request; at Billing Statement.

“Since there was no MOA wherein the terms and conditions of the agreement are supposed to be spelled out, there was also no basis for the computations on how the said three payments were arrived at,” anang COA.

Ayon sa COA, labag ito sa Presidential Decree 1445, ang Government Auditing Code, at sa COA Circular No. 2012-001 na dapat ay dokumentado ang lahat ng transaksiyon sa gobyerno.

Nabisto rin ng COA, wala rin sa kasunduan ng DOT at PTNI na nagsasaad ng pagiging collecting agency ng PTNI para sa Kilos Pronto at pagbabayad sa Bitag Media.

    (ROSE NOVENARIO)

 

About Rose Novenario

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *