Jasmine, bakit sa GMA pumirma at ‘di sa ABS-CBN?

NAKAPALITAN namin ng mensahe ang manager ni Jasmine Curtis Smith na si Ms Betchay Vidanes tungkol sa two year contract na pinirmahan ng aktres sa GMA 7.

Tinanong namin kung under ng GMA Artist Center si Jasmin dahil ang alam namin kapag may bagong lipat sa Kapuso Network ay automatic na co-manage ng talent management ng GMA 7.

“No, hindi siya under GMA Artist, nag-present palang ang GMA, hindi kami ang nag-decide kung ano,” ito ang mensahe sa amin ni Ms Betchay.

As of this writing ay wala pang binanggit kung ano ang magiging programa ni Jasmin sa GMA 7.

May nagtanong sa amin kung bakit hindi sa ABS-CBN pumunta si Jasmin gayung nakakapag-guest naman siya sa It’s Showtime at nakagagawa rin ng pelikula sa Cinema One si Jasmin.

Tinanong namin si Ms Betchay kung bakit hindi sa ABS sila pumirma at kung may offer, hindi kami sinagot.

Anyway, may ginagawang pelikula ngayon si Jasmin under Unitel kasama si Tom Rodriguez at si Mark Meiley ang direktor na hindi naman binanggit kung anong titulo.

FACT SHEET
ni Reggee Bonoan