Wednesday , June 19 2024

18-30-anyos 2 beses boboto — COMELEC (Sa Barangay, SK polls)

INAASAHAN ng Commission on Elections (Comelec) ang tinatayang 20 milyon botante para sa Sangguniang Kabataan (SK) elections sa 14 Mayo, dahil ang age bracket para sa mga eligible bomoto sa kategoryang ito ay pinalawig hanggang 30-anyos.

“Mas maraming boto ang bibilangin. Sa SK elections, we’re looking at about 20 million voters now, na dati ang average mo, mga two, three, four million lang ‘yan kasi 15 to 17 [years old] lang dati,” ayon kay Comelec spokesperson James Jimenez kahapon.

“E ngayon, since expanded na ang electorate ng SK, 15 to 30 [years old], then about 20 million [voters] nga ‘yan,” dagdag niya.

Ipinaliwanag ni Jimenez, ang mga botanteng may edad mula 15 hanggang 30 anyos ay ikinokonsidera pa rin bilang “youth” kaya sila ay maaaring bomoto para sa SK elections.

Gayonman, ang mga maaaring tumakbo para sa SK posts ay nararapat na 18 hanggang 24-anyos.

“So ‘yung younger youth or younger adults, sila ‘yung puwedeng tumakbo under the SK,” aniya.

Dahil sa bagong sistemang ito, ang mga botanteng may gulang na 18 hanggang 30-anyos ay tatanggap ng dalawang balota, upang makaboto sila para sa barangay at SK, ayon kay Jimenez.

“Ang mga botante from 18 to 30 years old will be receiving two ballots, one to allow them to vote for SK, the other to vote for the barangay,” aniya.

“Voters older than that will just get one ballot. Voters younger than that, 15 to 17 [years old], will just get one ballot as well, ‘yung SK ballot,” dagdag niya.

Ang May 2018 barangay and SK elections ay dalawang beses nang naiurong, makaraan itong iliban mula Oktubre 2016 at Oktubre 2017.

Bagama’t ang election period ay opisyal nang nagsimula nitong 14 Abril, ang campaign period ay magsisimula sa 4 Mayo at magtatapos sa 12 Mayo.

Hataw News Team

About hataw tabloid

Check Also

blind item

Male starlet nagbanta kung walang project goodbye produ na

ni Ed de Leon INAMIN ng isang male starlet na ginawa niya ang lahat ng ipinagawa sa …

Navotas tumanggap ng 145 bagong athletic scholars

Navotas tumanggap ng 145 bagong athletic scholars

NAG-ALOK ang pamahalaang lungsod ng Navotas ng scholarship sa 145 Navoteño elementary at high school …

TiboQC Federation Pride March QC Joy Belmonte

300 miyembro ng TiboQC lalahok sa Pride Month

MAHIGIT 300 miyembro ng TiboQC Federation ang inaasahang lalahok sa Pride March sa lungsod sa …

Lunod, Drown

Naligo sa ulan 
8-ANYOS TOTOY PATAY SA CREEK

WALA NANG BUHAY nang matagpuan ng mga rescuer ang katawan ng isang batang lalaki na …

dead gun police

Mangingisda patay sa pamamaril

PATAY ang isang mangingisda matapos pagbabarilin ng hindi pa nakikilalang salarin sa bahagi ng karagatan …

Leave a Reply

Your email address will not be published. Required fields are marked *