BUMAGSAK ang isang boom construction crane sa katapat na Core Town building mula sa ika-siyam palapag ng ginagawang gusali ng STI Academic Center sa panulukan ng EDSA at P. Celle St., Pasay City kahapon ng tanghali. Nagresulta ang insidente sa pagkamatay ng dalawa katao at ikinasugat ng anim iba pang biktima. (Eric Jayson Drew)

2 patay, 6 sugatan sa bumagsak na crane sa Pasay

Jaja Garcia April 11, 2018 News

PATAY ang dalawa katao habang anim ang sugatan, kabilang ang isang Chinese national, makaraan bumagsak ang isang crane mula sa ika-siyam palapag ng ginagawang gusali ng STI A-cademic Center sa EDSA, Pasay City, kahapon ng hapon.

Nalagutan ng hininga bago idating sa San Juan De Dios Hospital ang isa sa mga biktimang si Jonathan Disredo, 33, crane operator ng Monocrete Construction Corp., dahil sa matinding pinsala sa ulo at katawan.

Agad nalagutan ng hininga sa pinangyarihan ng insidente ang isa pang biktimang si Ronnie Rey Delos Santos.

Inoobserbahan sa nabanggit na ospital ang anim sugatan na sina Kumbo Mabinay, 24, at Jay Ballon, 29, kapwa security guard ng Modern Security Agency; Liu Shen Xiu, 30; Francisco Angca-tan, 59; Melvin Yosores, 28, at Elmer Sedol, 46, pawang mga crane erector.

Sa ulat na nakara-ting kay Southern Police District (SPD) director, C/Supt. Tomas Apolinario, nangyari ang insidente sa panulukan ng EDSA at P. Celle St., Pasay City.

Sinabi ng SPD director, isini-set-up ang crane tower nang bumagsak ito dahil bumigay umano ang ‘pressure’ sa ‘hydraulic cylinder’ na gamit para maitayo ang crane tower na nasa ika-siyam pa-lapag.

Hanggang nabagsakan ng boom (mahabang bakal), ang katapat na Core Town Building na agad ikinamatay ni Delos Santos, habang ang dayuhan na si Xiu ay nadamay habang nasa loob ng comfort room ng nasabing gusali.

Kasamang bumagsak sa crane ang namatay na si Diserdo na si-yang operator nito. Ang lima pang sugatan ay pawang nasa construction site habang nagtatrabaho.

Patuloy ang masu-sing imbestigasyon ng mga awtoridad kaugnay ng insidente. (JAJA GARCIA)