Arjo, nakikipag­sabayan sa husay ni Sylvia

LUTANG na lutang ang husay sa pagganap ng Kapamilya actor na si Arjo Atayde sa Hanggang Saan, isa sa top rating show ng Kapamilya Network.

Hindi nagpatalbog si Arjo sa husay umarte ng kanyang inang si Sylvia Sanchez, bagkus, nakipagsabayan ito na labis namang ikinatuwa ng  very supportive mom.

Ayon kay Arjo, ang kanyang ina ang inspirasyon niya sa tuwing haharap  sa kamera. Gusto niyang sa bawat proyektong gagawin at sa bawat role na gagampanan ay maibigay at magawa iyon ng buong husay.

Kaya naman marami ang nagsasabing mahusay talagang actor si Arjo, angat sa kanyang mga kapanabayan. Kaya naman katulad ng kanyang inang si Sylvia, marami na ring acting award ang nakuha nito.

MATABIL
ni John Fontanilla