‘Soon’ to be wedding nina Luis at Jessy, sa ibang bansa gagawin

AYON kay Luiz Manzano, sa interview niya sa Pep.ph., kung sakaling magpapakasal na sila ng girlfriend niyang si Jessy Mendiola ay sa ibang bansa nila ito planong gawin.

Sabi ni Luis, ”Destination wedding, siguro, iniisip namin kung saan pa, may mga choices na kaming naiisip. Kailangan lang namin siyempre pumunta kung saan man ‘yun para ma-ocular.”

Ibig sabihin ay talagang pinag-uusapan na nila ni Jessy ang pagpapakasal. Kinilig nga ang marami sa mga tagahanga nila nang mag-comment si Luis na ”soon po” sa Instagram post ni Jessy na naka-bridal gown.

May definite date na ba ang sinasabi niyang ”soon po” sa girlfriend?

“Soon, ‘yun naman talaga, hindi ko naman nilalabo o itinatago under different context. ‘Yun naman talaga, ‘yun ang goal naming lahat. Definite date? Wala pa talaga, but definitely soon. Kumbaga, it’s in immediate plan. Kumbaga sa biyahe, nasa itinerary ‘yan, eh.”

 

BF NI KIM, ‘DI APEKTADO
SA VIDEO SCANDAL

INAMIN ng boyfriend ni Kim Domingo na si Michael ‘Mike’ Acuña, na siya nga ang lalaki sa video scandal na kumakalat ngayon.

Sabi ni Mike, ”Alam naman ng family ko ‘yan, alam ng GF ko ‘yan. Andiyan pa rin sila for me. I’m still happy right now. I’m busy sa mga agenda ko. I’m a guy at walang mawawala sa akin. I’m not affected anymore.”

MUSIC NI HEC,
PANG-MILLENNIAL

HINDI na baguhan sa music industry si Hec. Nakagawa na siya ng album before. Nawala lang siya sa limelight noong mamatay ang kanyang ina na naka-base na sa America.

Nagpunta siya sa USA at nagtagal ng ilang taon. Pero ngayong balik-‘Pinas na si Hec, bibigyan niya na ulit ng pansin ang naudlot niyang singing career. This time ay tuloy-tuloy na ito.

In fact, busy siya ngayon sa promo ng kanyang Dr. Lab album, produced ng GOODING at distributed ngBLCKMRKT Records.

Ang album ay naglalaman ng mga awiting Musta Na Ba? Para sa Inyo, Dr. Lab, Pagmamahal Ko, Gumising Ka, Hangang sa Panaginip,  Simulan ng Ngiti, at Pakinggan Ninyo na lahat ng mga ito ay mula sa sariling komposisyon ni Hec.

Aniya compilation ito ng mga isinulat niyang kanta simula noong teen-ager pa siya.

“Naipon iyang mga kanta na iyan. Makare-relate ang mga millennial. Lalo na iyong mga love song and hardships in life. Mayroon ding love won and love lost,” sabi pa ni Hec.

MA at PA
ni Rommel Placente