Xian, nanginginig kay Nathalie
TALAGA namang kukulo ang dugo ng mga kasintahan, asawa, at ka-relasyon ni Adan sa pagkaharot ng karakter ni Nathalie Hart as Tasha sa Sin Island sa Valentine’s Day offering ng Star Cinema Productions.
Sa isang chance encounter, nagulo niya ng todo ang mundo ng mag-asawang Kanika at David portrayed by Coleen Garcia and Xian Lim.
At ang karakter niyang ito ang pinalakpakan at tinilian sa mga sinehan.
Dahil pagpapa-sexy ang nakilala kay Nathalie, maaalalang nang gawin niya ang Siphayo sa BG Productions International, umiyak ito at nagkulong pa sa kuwarto nang kinailangan niyang maghubad sa ilang eksena. Nag-uwi ng award mula sa New York si Nathalie para sa nasabing pelikula.
At sa Sin Island, todong hubad na si Nathalie in her scenes. Malamang eh, natuwa rin si direk Gino Santos sa kanya kaya napaglaruan ang kanyang karakter.
At mukhang si Xian pa ang na-intimidate sa kanya dahil ramdam niya ang panginginig nito tuwing magkaka-eksena sila.
Sa isang preview ng pelikula, standing ovation pa ang tinanggap nito. At balitang tumatabo ito sa takilya ngayon.
Magpa-gulat sa bawat eksena. At sisilaban ng mga eksena nila ang inyong mga damdamin.
HARDTALK
ni Pilar Mateo
